平昌 (已結業)

平時都去開九龍區食野，不過今次都係第一次去樂富行街食飯，所以揀左平昌韓燒黎食。我都好耐冇食過韓燒，我地揀左個世子御膳set黎食，佢可以叫埋大君set入面嘅野食，夠晒抵，肉類、海鮮、熱食同冷盤應有盡有，而且位置夠寬，唔會坐得唔舒服，所以油煙都唔會好大今次講下d重點野食啦牛肉：t骨、西冷同肉眼夠晒大塊，油脂分佈好，所以食落唔會話成口油，但又有油脂香，未食聞到都留晒口水，咬落唔會韌，而且味濃。牛舌夠晒爽口，牛胸腹都味濃好食豬肉：香草五花肉，油脂多，岩晒開爐用，而且香草味唔算太濃，所以食到香草同五花嘅味道岩岩好，護心肉爽口又彈牙味又足夠，正呀，豬腹肉同梅頭肉又夠大夠厚，食落啖啖肉，爽呀海鮮：帶子、蝦、蠔同食落爽口，而且size岩岩好，食多幾粒都唔怕濟熟食同冷盤都好好味，而且上菜速度到好快整體黎講，餐廳食物質素高，而且食物種類多，飲品又有啤酒，岩晒三五知己黎聚餐