大冒險家餐廳

營業中

休息中

冒險家半自助餐 $258p.p. 每人揀一款主菜，前菜、沙律、甜品、飲品就任食~沙律有好幾款，基本上都正路。伏位係個好乾嘅素肉丸同白色慕絲（？）好似食緊蒜頭咁🤢🍗牛油雞配印度香飯🍗一上枱好香好吸引！咖喱都幾辣下，不過雞都幾鞋😂🐟香煎精選海魚配燒薯、炒雜菜及檸檬牛油汁🐟煎魚同樣偏乾，不過點咗汁就叫正正常常咁🤣甜品推介朱古力香蕉慕絲！🥳朱古力味好濃，有少少食雪糕嘅感覺。柚子味卷蛋都幾清新唔錯！其他蛋糕就真係麻麻哋，一般放題貨式，尤其綠色嗰件真係幾難食😂嘢飲除咗果汁仲有mango lassi同果茶，總有一款啱飲！樂園餐廳預咗性價比唔會高，食物普通🤣不過勝在有冷氣，坐得舒服又唔洗自己揾位，應該都會回訪！