紅葉茶屋 (海之戀商場)

營業中

休息中

今晚約咗朋友去荃灣紅葉茶屋食晚餐，餐廳裝修簡約，設有榻榻米座位，好岩打卡。前菜，豆腐魚餅同番茄胡麻沙律金黃色嘅魚餅外皮煎得微微焦脆。咬落去先係脆口，混入豆腐嘅雙重嫩滑。沙律用上車厘茄，胡麻醬香濃但唔膩，清新開胃。豪華和牛肉壽喜燒定食壽喜湯汁仲咕嚕咕嚕咁滾緊。和牛紋理分明，肉質柔嫩，同壽喜燒汁完美融合。配日本珍珠米飯，撈埋流心溫泉蛋，非常好味。照燒三文魚定食三文魚皮煎得脆卜卜，魚肉保持住嫩滑，加配嘅旬之野菜，清甜爽脆，正好平衡三文魚豐富嘅油脂。和風炸雞盛合炸得恰到好處，雞全翼嘅調味帶微微蒜香，擠上檸檬汁後更加開胃。