金滿堂甜品

營業中

休息中

作為一名榴蓮控，去親甜品店都會優先考慮榴蓮類甜品，金滿堂就大把選擇。 榴蓮飄香面頭有西米，椰果，啖啖榴蓮肉，下面隱藏了一個榴蓮布甸，個底係榴蓮打成。集所有榴蓮味於大成，榴蓮味充盈，但由於係由唔同材料帶出，有層次。榴蓮肉的軟糯，榴蓮布甸的軟滑，加上西米的脆，椰果的韌勁，豐富的榴蓮口感。 榴蓮女皇大大個椰青盛住椰奶，椰奶入面有榴蓮肉，凍食，食完好滋補。 榴蓮烏冬榴蓮漿打成嘅湯底，用蒟蒻，椰漿做成嘅烏冬，幾可亂真，topping係榴蓮肉，榴蓮撈麵，別有風味。