杏甜品 (豉油街) (已結業)

貓山王榴槤爽冰 $59十級好味 , 鐘意食榴槤嘅一定要試 ,千萬唔可以錯過佢 , 裡裡外外每一啖都充滿榴槤味 , 每食一啖都有幸福感 , 每一啖都好食到要叫出黎啊! 雪糕同冰沙都會食到榴槤肉 , 真係好足料 , 點解可以咁好食!芒椰木蓮凍 $62一場黎到當然試下佢地新出嘅木蓮凍系列啦 , 好大一碗 , 賣相已經羸左 , 個樣勁吸引!材料好豐富 , 一碗可以滿足晒 , 有新鮮芒果粒粒 ,芒果爽冰-食落口感覺係雪糕同埋好重芒果味 , 木蓮凍-係仙草 , 口感順滑 , 小芋圓- 係小丸子 , 如果係大芋圓會更好 , 椰果爽口 , 成碗野口感同味道都好豐富 , 面仲加左 D 開心果碎 , 食得好開心啊 ! 不過真係幾大碗 ， ２個人sｈａｒｅ 會好啲，可以試埋其他野雙倍開心。抹茶湯圓 $42 (5粒)一黎到已經聞到好香抹茶味 , 咬落外皮煙韌 ，抹茶餡勁香 , 外皮帶有小小牛油香味 , 抹茶餡唔太甜好香好好味啊 , 個湯係清清地嘅桂花湯 ，成件事配合得十分清新。