影片
更多
2023-10-31
90 瀏覽
- 心血來潮想食中菜，於是問下朋友有咩好介紹。點知佢竟然帶我去食私房菜，真係好新奇！- 入到店鋪，裝修樸實無華，飾櫃除左有好多酒之外，仲有好多榮哥既獎項，樣樣都大有來頭！- 話明私房菜，餐牌當然由榮哥主理啦！- 一開始先黎小食，先有榮哥自家甜酸齋同日本枝豆。個甜酸齋味道岩岩好，唔好太甜或者太酸，無油味，感覺好新鮮。- 前菜其後就到，總共有三樣：本地水耕沙律菜伴芝麻醬、雙色墨魚仔同茶燻流心蛋伴黑魚子醬配厚切茄子。- 先講賣相，3小碟真係睇落好精緻，仲要各有特色！本地水耕沙律菜伴芝麻醬🥬，師傅係用青瓜包住水耕沙律菜，加上車厘茄同芝麻醬，非常清新！雙色墨魚仔🐙就有兩款口味，原味帶有芝麻同麻油香，辣味就有韓式醬味道，彈牙得黎又爽口。而茶燻流心蛋伴黑魚子醬配厚切茄子🍆，係我從來未見過既菜式。一食落口，濃郁既流心蛋黃加上滿滿茶香，配上裹著薄面衣既炸茄子同特製醬汁，相輔相成！- 之後，上左慢煮海黃花配普寧豆醬伴黑魚子🐠。呢道菜同樣精緻，慢煮海黃花上面有黑魚子同用普寧豆醬唧既花，食落有鹹香，魚肉肉質亦比較嫩滑。- 然後，有兩款暖笠笠既湯跟著上，包括原盅燉哈密瓜螺頭黑毛豚肉湯🍈同原盅燉川貝陳皮海底椰鱷魚
- 入到店鋪，裝修樸實無華，飾櫃除左有好多酒之外，仲有好多榮哥既獎項，樣樣都大有來頭！
- 話明私房菜，餐牌當然由榮哥主理啦！
- 一開始先黎小食，先有榮哥自家甜酸齋同日本枝豆。個甜酸齋味道岩岩好，唔好太甜或者太酸，無油味，感覺好新鮮。
- 前菜其後就到，總共有三樣：本地水耕沙律菜伴芝麻醬、雙色墨魚仔同茶燻流心蛋伴黑魚子醬配厚切茄子。
- 先講賣相，3小碟真係睇落好精緻，仲要各有特色！本地水耕沙律菜伴芝麻醬🥬，師傅係用青瓜包住水耕沙律菜，加上車厘茄同芝麻醬，非常清新！雙色墨魚仔🐙就有兩款口味，原味帶有芝麻同麻油香，辣味就有韓式醬味道，彈牙得黎又爽口。而茶燻流心蛋伴黑魚子醬配厚切茄子🍆，係我從來未見過既菜式。一食落口，濃郁既流心蛋黃加上滿滿茶香，配上裹著薄面衣既炸茄子同特製醬汁，相輔相成！
- 之後，上左慢煮海黃花配普寧豆醬伴黑魚子🐠。呢道菜同樣精緻，慢煮海黃花上面有黑魚子同用普寧豆醬唧既花，食落有鹹香，魚肉肉質亦比較嫩滑。
- 然後，有兩款暖笠笠既湯跟著上，包括原盅燉哈密瓜螺頭黑毛豚肉湯🍈同原盅燉川貝陳皮海底椰鱷魚肉湯🥥🐊。
- 兩款係截然不同既味道，哈密瓜螺頭黑毛豚肉湯飲落好清甜，好滋潤！除左有哈密瓜同螺頭，仲有大大舊既黑毛豚肉排骨🐷，有肉味但唔油膩。絕對真材實料，絕無味精，飲完滋潤又健康！
- 而川貝陳皮海底椰鱷魚肉湯就帶有川貝、陳皮同海底椰味道，加上鱷魚肉，係對於氣管敏感或者哮喘既人，有食療之效，絕對一大福音！
- 跟住蝦球水芙蓉🦐🪷，係上湯蒸蛋配蝦球既料理，清淡得黎，唔會淡而無味。表面仲有杞子同蔥製成既花，菜式如其名，非常詩情畫意。而且食得出杞子係師傅特意挑選既上品，味道非常出眾！
- 蜜椒比利時杜洛克St.Louis橄欖豬肋骨，食落有蜜香，焦脆得黎又Juicy，齒頰留香！
- 接住落黎既招牌茶王燻雞，類似於炸子雞，雞皮又薄又香脆，炸到連茶葉都食得，茶葉清香味配雞油，非常解膩！
- 食完肉，當然要食菜啦！魚湯有機時令鮮蔬，雖然睇落簡簡單單。但啲菜淋上魚湯，一啲都唔腥，菠菜亦都好新鮮，唔會有渣。
- 最後既主食係他鄉炒米絲，即24個月西班牙黑毛豬火腿配福建莆田米粉，呢款真係喜出望外！佢係用極幼既米絲、蛋絲、西班牙黑毛豬火腿絲、酸甜蘿蔔絲同甘筍絲製成，食落乾爽，條條分明，仲要唔斷，真係非常考工架！
- 時令甜品係薑湯湯圓，薑湯好辣，飲完驅寒暖笠笠，芝麻湯圓皮薄餡靚，真係畫龍點睛！
張貼
