山下無雙日式料理 (大隴街)

營業中

休息中

聽聞呢間餐廳係以Omakase 十貫壽司出名，今日我地一行4人就一齊過黎諗住試一試，我同朋友叫左一份十貫，兩份十三貫，其中一個fd 就食丼飯。因為星期六既晚既關係等左一陣先入枱，環境好闊落，坐得舒服。講返十貫壽司，有海膽，超級鮮甜，灸燒左口魚，火灸穴子，三文魚子，三文魚腩，吞拿魚腩，油甘魚，火炙三文魚。件件都係超厚切，好肥美。尤其是火灸左口魚，燒香左之後擺入口，係入口即溶，好好味呀，仲有就係海膽，好鮮甜。 真心覺得咁抵價錢竟然食到呢種質素，好滿意！！以前都唔會打食評，但今次真心想同大家介紹呢間日式餐廳俾大家知，希望多d人試到咁抵食咁高質嘅壽司。