九份飽 (淘大商場1期)

營業中

休息中

喺台灣旅行嘅時候，每晚都會買份地瓜球，正宗嘅就要係酥脆、空心、調味粉分開上。今日食完lunch諗住外賣份地瓜球做小食，一攞到手就發現唔對路，霖過毛巾，仲有陣酸味。食咗幾啖，梅子粉重到食唔出地瓜球應有嘅味道，喺香港都食過其他鋪頭嘅地瓜球，呢間係我食過最難食嘅，極度不推薦。前面三點呢間一樣都做唔到，一pat泥咁，仲要問都唔問就撒滿酸梅粉。嚴重懷疑佢係求其溝啲蕃薯麵團炸完就算，諗住呃香港人唔識分。 唔好俾其他正評呃到，食過先知伏，真係期望越大，失望越大，絕對唔會再買第二次。