新匯聚餐廳小廚

營業中

休息中

呢間位於觀塘工廈入邊嘅餐廳小廚。雖然係前幾個月食，但係依間小廚真的很值得介紹！那時正是冬天，天寒地凍最想就係幾個朋友一齊去打個邊爐或者食個羊腩煲。於是乎就無啦啦入咗嚟呢間新滙聚餐廳小廚試吓。目測地方可以坐超過100人只見到餐廳入面人頭湧湧，平日七點黎到都隨時要等位，今日我哋有四個人點了芝麻雞，加多個羊腩煲及蒸蟶子。芝麻雞見到好多人都叫哩個芝麻雞，連伙計都推介，於是便試一試，果然非同凡響！雞皮炸得非常香脆加埋啲芝麻更香，但係肉質細嫩很有鮮雞味，絕對係令人流口水之作蒜蓉粉絲蒸蟶子火候控制得非常好，蟶子完全唔覺得靱，肉質鮮甜配上粉絲以及蒜蓉蔥花豉油，簡簡單單就已經好好味枝竹羊腩煲依個羊腩煲無論份量，味道，價錢都係冇得輸我哋四個人只係叫咗個細煲，但係冇諗到呢度個細煲係咁大好彩冇叫大如果唔係都唔知點算。羊腩炆得非常入味，配合腐乳醬，簡直是無比的享受。枝竹索左啲湯汁，食既時候非常痛快。而馬蹄十分清甜爽口，絕對可以幫助解除羊腩的肥膩依度既小菜份量偏大，價錢又經濟，絕對適合一大班朋友嚟豪情奔放咁食餐飽嘅地方。