蟹仙海鮮蒸氣鍋 (仁愛街) (已結業)

蟹仙海鮮蒸氣鍋 (仁愛街)新蒲崗仁愛街50號地舖味道😋😋😋😋😋環境😋😋😋😋服務😋😋😋😋😋衛生😋😋😋😋抵食😋😋😋😋依排溫度開始高返，所以襯住仲未到夏天，決定要打個邊邊先。搵搵下比我搵到依間蒸氣海鮮火鍋，本人非常鍾意食海鮮，我見佢好鬼抵,原價7百幾蚊位嘅海鮮套餐，依家做緊＄399 一位，所以就立即book枱去食啦！介紹下我食左邊個set先：尊貴海鮮套餐$399 + 10%入面包左10款食品（海鮮及蔬菜）重點推介下幾款海鮮先！ 大黃奄蟹：隻蟹好大隻，膏多肉厚，味道鮮甜，蟹味濃郁龍蝦：佢係即叫即開，唔係斬定係到！睇相都睇到隻龍蝦夠晒肥美，又多膏好鮮甜。 台灣九孔鮑魚：鮑魚都幾大隻，食落唔韌，好有口感越南大虎蝦：夠晒大隻，夠晒新鮮食落爽口彈牙，食唔停口大西洋野生青口、紐西蘭月亮貝、扇貝：貝類海鮮，一定要夠新鮮，如果唔係就會又腥又臭！佢上枱全部都好新鮮，食落爽口鮮甜，味道一流粥底依個簡直係成餐嘅精華所在！全部海鮮嘅鮮味比粥吸收晒，味道一流！加埋菜脯同埋蔥，好鬼好食。最後食埋碗椰汁燕窩，簡直飽到上心口，好幸福呀😆總括黎講，味道一流，價錢超值！如果鍾意食海鮮嘅人就一定唔好錯過啦！