一生懸麵

營業中

休息中

今日嚟到九龍灣，竟然唔係食西餐，係食日式拉麵，依間好唔起眼嘅小店，我次次經過都覺得冇乜特別，但最近見到好多人喺出面買外賣，就的起心肝試吓啦。點知真係出乎意料之外地咁好食，我同朋友叫咗一個辛辣拉麵，裏面有豚肉嘅，同埋一個豚骨沾麵。朋友食得辣所以嗌咗個辛辣拉麵，佢就話個湯底唔算好辣但係就好香，但係我食咗一啖，就覺得好啦，所以建議鍾意食辣嘅朋友先可叫呀！至於面質方面呢我就叫咗偏硬既，因為本身鍾意食比較有嚼口嘅面質。好推介食呢個沾面！因為佢嘅湯底真係好濃，配上佢嘅蛋同埋豚肉，真係好正！重點係佢嘅沾面湯底唔會太鹹，令到我唔想食，仲撈咗好多落拉麵度。叫咗兩個小食，一個係章魚小丸子同埋一個係雞軟骨棒，章魚小丸子就不過不失啦，但係個雞軟骨棒就幾好食嘅，佢連埋沙律醬，又有雞軟骨嘅口感。一個字正呀！