影片
更多
2023-12-23
225 瀏覽
原本跟男友到另一間餐廳食雞煲，但好多人無位，於是再搵其他餐廳。同一個商場，經過呢間cafe，見到有一人雞煲，無咩人，費是再行，無咩期望純粹醫下肚同試下d小店，就入左去，點知真係伏到爆，超級後悔。🥵坐低後，有個女侍應生 （較男仔頭咁既樣）就咁掉低個QR code 牌係枱面，一句野都無講。個下覺得有d奇怪但都不以為意。開始聽到d侍應生係度自己吹水，又爆晒粗，但都無咩理。手機落單無耐，有個一入黎就見佢掛住係咁禁手機既男侍應生（但態度對客似乎最正常既）佢比左兩杯水我地。無耐就開始上野食。單點2個湯，都係好結個d罐頭湯（仲有結住一舊野咁係湯入面個種）。叫左兩個一人雞煲，黎到都係好重既味精野。食左幾舊雞，個男侍應生，被廚房一個男人叫佢要幫我地雞煲加水，唔係就會痴底，咁佢無問我地就直接倒d水落去雞煲度。加左兩份打邊爐料，有麵粉味嘅烏冬半個，正常午餐肉，丸，蟹棒，生菜，雲耳，小量金菇。無叫野飲。食到半路，戲肉就黎喇‼️我地飲晒兩杯水，男友如常好有禮貌咁，向住一個小小背住我地既紮馬尾肥妹侍應生講：「唔該，可唔可以幫我地加d水？」。個肥妹即刻面目猙獰咁擰過黎話：「下？！咩話？！」男友再重覆：「可唔可以幫我地
同一個商場，經過呢間cafe，見到有一人雞煲，無咩人，費是再行，無咩期望純粹醫下肚同試下d小店，就入左去，點知真係伏到爆，超級後悔。🥵
坐低後，有個女侍應生 （較男仔頭咁既樣）就咁掉低個QR code 牌係枱面，一句野都無講。個下覺得有d奇怪但都不以為意。開始聽到d侍應生係度自己吹水，又爆晒粗，但都無咩理。
手機落單無耐，有個一入黎就見佢掛住係咁禁手機既男侍應生（但態度對客似乎最正常既）
佢比左兩杯水我地。無耐就開始上野食。
單點2個湯，都係好結個d罐頭湯（仲有結住一舊野咁係湯入面個種）。
叫左兩個一人雞煲，黎到都係好重既味精野。
食左幾舊雞，個男侍應生，被廚房一個男人叫佢要幫我地雞煲加水，唔係就會痴底，咁佢無問我地就直接倒d水落去雞煲度。
加左兩份打邊爐料，有麵粉味嘅烏冬半個，正常午餐肉，丸，蟹棒，生菜，雲耳，小量金菇。無叫野飲。
食到半路，戲肉就黎喇‼️
我地飲晒兩杯水，男友如常好有禮貌咁，向住一個小小背住我地既紮馬尾肥妹侍應生講：「唔該，可唔可以幫我地加d水？」。
個肥妹即刻面目猙獰咁擰過黎話：「下？！咩話？！」
男友再重覆：「可唔可以幫我地加d水？」
肥妹即刻反白眼，轉身拎水壺，同時間講左句：「比d禮貌呀！」
我同男友呆晒，真係o晒咀，完全唔明點解會無啦啦咁被對待。
男友回過神後： 「你係咪同緊我講？！」
肥妹（繼續面目可憎咁既樣）：「我唔係同你講喎」
男友再問多次，個肥妹都係咁既態度講多次，男友就同佢講，「最好唔係同我講」。
個肥妹之後呢埋左一邊。其他侍應聽到完全無反應。
我地覺得好嬲，但食到一半，走既要比錢又唔忿氣，投訴又無用又唔係連鎖店，唔覺老細係度。最後諗住拿拿聲食完算。
個煲成日燒乾水，每次就黎乾水，我就叫個男侍應生：唔該加d水，每次就停一停唔禁個手機，幫我加一加水，真係好攞命。
一路食，個男仔頭女侍應生狂同其他侍應吹水，瘋狂爆粗。
成餐飯，食到背脊骨落。
9點就趕收工，出去埋單時門口仲有兩個女既入黎問個男仔頭侍應生走得未。
成班邊青咁，18，22出頭咁既樣，冇王管。
呢d咁既侍應連基本做人既禮貌都無，真係好登佢地可悲。
埋單$376，食左d好差既食物，性價比極差，又要無啦啦受氣，好有禮貌既一枱客竟然比一個好無禮貌既侍應生話比d禮貌😂直頭係衝擊人類既認知。🤷🏻♀️
香港有d餐廳侍應都未必好好態度，想好好地食餐飯有時都費時勞氣，唔係高級餐廳都唔會要求d咩。呢間服務直頭係趕客，服務界最差既天花板。
張貼