更多
2023-05-07
574 瀏覽
光頭佬侍應極大負能量散發及極差態度,完全係趕客,去食準備好心理準備受氣,給他出氣,一家人都食得最唔開心一次,呢一世去唔會去!講真,就算請我去都唔會再去,有啲咁嘅侍應,我會同朋友親戚講全部人講,要去既話好,唔好叫光頭果個落單、唔好叫佢做嘢、唔好煩佢!令人感覺極差,我點多個白飯,就講 “等啲餸上先啦,之後先叫啦”,原來唔可以咁落單㗎?!其實,説話內容冇問題,但口氣就係乞人憎、極端討厭,食餐飯要受咁既對待,搵鬼去食咩,再好食都冇下次!黑口黑面,一入到去就叫我點餐,大佬呀,我哋八個人,先黎咗兩個,有冇常識?!兩個人先洗完啲碗,就收起個洗碗樽,問都冇問,加上其他六個都未黎,好明顯自己想點就點做,好嘢👏。最後,仲要兇狠望住我,一直望,我咪同佢互望,怕佢呀,之後咪係唔敢同我嘈,不過,香港啲低級餐廳好多呢啲侍應,真係怕!
張貼