成記茶寮

營業中

休息中

成記茶寮，相信元朗長大嘅街方一定食過。對於新元朗人，可能會有點陌生。成記茶寮位於交通廣場側嘅冬菇亭。早上有中式粥品炒麵腸粉西式早餐。十一，二點開始有重點豬排飯推出。當然，有其他選擇，但度食得lunch,九成九都係為咗傳說中嘅大豬排。中午時段，尤其假日，要等位一定在所難免。就算有位坐底，亦未代表有人立即招呼。見到所以人都極度忙碌，都只好乖乖等姐姐落單。傳說中嘅豉油豬排飯，兩大塊厚切豬排。除咗据排，都無見過豬排咁大塊。豬排雖然厚，不過一啲都唔硬。配埋特製豉油汁，送飯一流。第二樣重點推薦，瑞士汁雞翼。個鹵水汁好濃郁，甜甜地，雞翼飽滿，一個人食四隻都唔嫌多。如果有得撈丁就正。可惜無...成記茶寮除咗豬排外，仲有雞球双拼。如果一個人食不妨叫個双拼加雞翼。溫馨提示:如果趕時間，講衛生，求招呼。成記可能達不到要求。但講好味，人情味，成記茶寮弓定滿足到。