影片
更多
2006-05-08
41 瀏覽
今日先後去過此網站提及過的餐廳/食肆搵食....原來, 即使好評眾多如斯的一家"蘭苑饎館"居然有著那種"極其傲慢", 不可一世的待客態度....本人及男友實在看不過眼...不吐不快..!!因本人對桂花糕特別鍾愛, 所以即使我仍帶病在身, 仍再三要求男友陪我到此店試試她們的糕點及其他甜品...當我們從老遠的"旺角金聲戲院"行過太子察館club搵此店時...好不容易才搵到...心想, 幾好采, 吾需要搵餐朦! 當進入此店時, 內裡的裝修真如"特稿"所指, 很有古色古鄉既味道...很親切及懷舊既感覺! 起初我倆站在門口等侍應cater我地...不過很奇怪, 下午5點全店都搵不到一個樓面, 見到的就只有食客!算, 於是我們照自行搵位座. 但坐左足足"五分鐘"先奇蹟地見到有個侍應亞姐出現!! 於是我們就說: 吾該寫野. 佢都即答: 等等! 點知呢句等等, 並不代表佢真係會過多陣來serve我地, 而係見著佢無啦啦吾知在那裡推出一個有wheels既垃圾筒出黎...逐張台收搭d要洗既碗, 原先都可以接受既, 因成間店子就只有佢一個人!!(但當時全店最少有4台客, 不過男友話見到佢內堂有最少2個亞姐
因本人對桂花糕特別鍾愛, 所以即使我仍帶病在身, 仍再三要求男友陪我到此店試試她們的糕點及其他甜品...當我們從老遠的"旺角金聲戲院"行過太子察館club搵此店時...好不容易才搵到...心想, 幾好采, 吾需要搵餐朦! 當進入此店時, 內裡的裝修真如"特稿"所指, 很有古色古鄉既味道...很親切及懷舊既感覺! 起初我倆站在門口等侍應cater我地...不過很奇怪, 下午5點全店都搵不到一個樓面, 見到的就只有食客!
算, 於是我們照自行搵位座. 但坐左足足"五分鐘"先奇蹟地見到有個侍應亞姐出現!! 於是我們就說: 吾該寫野. 佢都即答: 等等! 點知呢句等等, 並不代表佢真係會過多陣來serve我地, 而係見著佢無啦啦吾知在那裡推出一個有wheels既垃圾筒出黎...逐張台收搭d要洗既碗, 原先都可以接受既, 因成間店子就只有佢一個人!!(但當時全店最少有4台客, 不過男友話見到佢內堂有最少2個亞姐在打牙較都吾出黎招呼客人) 後來,佢一路四圍執台,最終執到黎我地那張...我地就以為佢會執埋我地台面既野之後就即同我地落單la, 點知...都吾係wor!!! 佢寧願執完野, 斯斯然敢放返個垃圾筒返茶水吧, 仲要同一台(好似係)熟客傾埋偈先識返轉頭睇下我地要咩食!!!!!!
當時男友已經有點兒扯火!! 都算la ! 照落order...我地先叫左兩件迷你糕點(亞姐即時面), 之後男友見到menu內有圖文並茂既"奇異果汁"就照order, 點知亞姐就即答:呢d無個wor?!!! 並無解釋原因(起碼都應酬答句:賣晒呀?!). 男友就即面有難色!! 我再叫多個熱喳咋...當問男友要改咩時, 佢就say no!!! 此時, 我地都未向亞姐表態想改咩時, 那個亞姐己經在雪櫃內取出有關糕點, 不過並非即放在我地台面, 佢再放埋個order卡在我地台面...然後就"粒聲吾出"走左去????!! >_<
後來又等左5分幾鐘, 個亞姐終於出現la...佢原來link左兩件糕入廚房比人切再上碟....另加兩杯熱水! 噢!原來有service的!! 當亞姐放下我order既桂花糕及芝麻糕, 佢再次粒聲吾出走左去! 再等多3-4分鐘, 那碗"驚"貴的喳咋終於出爐....我地就開始享用那"受氣"的甜品!食評如下:-
桂花糕- 清, 帶有綠茶味, 不太甜. 糕身落了過多魚膠粉,令糕的口感似jerry多過糕! 我就覺得吾好食. 不過男友ok接受此味道.
芝麻糕- 好芝麻味, 應是自製的, 亦是不太甜. 口感仍然係魚膠粉jerry feel. 我就覺得食味好過桂花糕, 不過男友覺得似一般酒樓食到既芝麻卷!!
喳咋- 嘩, 和這裡的服務態度一樣...奇差! 不單沒有喳咋應有既雜豆味, 面頭一大pet既椰糕再加上如清水般既湯底絕對係平生"難"得一"食"既"極品"! 那些內涵多到用手指都數得晒, 要紅豆無紅豆反而有好"咬口"既花生!"戶"頭又硬, 西米似"大腳板"既珍珠敢大!好似仲有紫米?? 到底呢碗係喳咋定係"花生麥米粥"+"西米紫米露"+椰糕既mix版??不得而知! 綠林仙館好過佢千百萬倍!!!
食野期間因男友有事走先所以由我埋單. 我野都未食完, 就有3位客人入了"黑店"...這裡果然對"生客"給予平等待遇", 繼續尤得你死! 佢地無耐坐左在我對面等我走! 我只好密d口食快d再離台比人坐...於是行到收銀處比錢, 嘩, 居然比我見足三個亞姐出晒黎招呼客呀?! 我向她們叫埋單, 有個亞姐向其餘兩個亞姐說: 埋單呀?! 但又吾理我! 任由我企在櫃面5分鐘....我幾想走?! 之後終於有個亞姐行埋黎...收左我$20..仲識講返句人話: 多謝!!
各位食客, 對我倆的"奇遇"有何見解?! 這正是"老外們"最不滿中國人/香港人的超凡待客之道!! 此店的老闆能招攬/訓練出如此"特出"之侍應, 簡直是能人所不能!! 貴店能生意"tou tou" 真是香港的奇蹟!!
張貼