滿記甜品 (新城市廣場一期)

營業中

休息中

食完魚生飯，又走到同一層的滿記甜品。這樣午餐才夠完美!第一次堂食，柔和燈光和木傢俬配搭，環境很舒服。 帶點潮流摩登氣味，有別於傳統光猛燈光的甜品店。我叫左楊枝甘露，媽叫左榴槤班戟，姐叫士多啤梨西米露。楊枝甘露份量足料，芒果、柚肉同西米份量充足。個汁係新鮮芒果即榨而成，味道鮮甜。而柚肉同芒果亦十分新鮮多汁。最特別係西米，西米同平時食到的甜品不同，感覺較實，爽口又好咬，同平時一咬就散果DEE好食好多。而整個楊枝甘露都好好味，真係一分錢一分貨。跟住仲食左幾啖榴槤班戟，LEE個食過好多次，最愛佢有真正榴槤肉，又夠香，忌廉同榴槤肉比例恰到好處。都係果句，岩唔想食都成手都係的榴槤愛好者。我亦試左一啖士多啤梨西米露，個底係鮮榨士多啤梨汁，酸酸甜甜很醒胃，仲有兩至三位的原粒大士多啤梨，十分闊綽。總結來說這餐甜品十分美味，好滿足，下次一定再食。