滿記甜品 (新城市廣場一期)

營業中

休息中

有日跑完步好肚餓就走咗去沙田新城市食糖水，佢哋出咗新嘅開心果甜品，我就嗌你試吓，因為本身都好鍾意食開心果，佢哋啲碗都係凍食，雖然嗰日係有啲凍凍地，唔緊要啦咁就照食，食落去好香開心果好好味

今日去咗新城市廣場滿記食甜品 ，對佢哋嘅甜品抱有好大期待，點知卻好失望。首先講講雪山芒果西米露，芒果嘅味道幾乎無法識別，完全冇鮮甜感。就連芒果汁都平淡無奇，整體口感冇層次感，食完之後真係覺得無味。再講白雪仙草芋圓，呢道甜品嘅配料就更加令人失望。份量實在太細，碗又小，令人覺得唔夠誠意。半碗幾乎都係刨冰，呢個搭配真係冇意思。2碗＄102埋單，我覺得唔應該係呢個質素 ， 我去食嘢好少畀差評， 但係呢餐甜品真心差。

當日見唔到有榴槤班戟🤐 唯有點咗其他甜品，有榴槤涼粉 、芒果西米露之類嘅甜品。食物都係典型香港甜品味道，不過不失， 志在食飽飯有甜品食吓， 侍應態度都不錯 ，座位就坐得迫夾啲，香港寸金尺土，冇辦法啦。

睇落啲價錢款式都好大佬而且款式幾多 本身好興奮，不過發覺佢性價比低！雖然個味道好好，但係份量極少其實成本咁低佢比咁少，可能係想迫人哋嗌多個 就賺多少少？因為本身我唔係好肚餓嘅情況下都覺得食兩啖食完綠豆沙護院涼粉好味，綠豆沙友好出嘅臭草味非常出色 有海帶 用了唔錯 不過就真係水同埋少咗啲杏仁蛋白到幾好味幾多蛋白唔會太甜不過真係睇圖睇唔出去食兩啖食完其實呢版嗰啲都幾特別，不過就如果真係再食都未必食呢間，份量真係太少 計起性價比低

今日同個仔喺新城市玩玩到好熱好想食甜品，補充下啲糖分所以就去咗滿記食甜品我今次嗌咗芒果西米露同杏仁茶紫米露我覺得兩樣嘢都係中規中矩正常嘢咁芒果西米露都幾足料不過如果大碗少少就好了🫢🫢而杏仁茶紫米露都幾夾下杏仁茶夠香，紫米露煮得啱啱好兩樣加埋幾好食

差到嘔的服務態度!一坐低就見服務員阿姐在玩手機，叫幾次話落Order至愛理不理嘅態度做埋呢，然後半咸半淡廣東話都算，態度好似差佢錢咁，坐唔好錯，服務又差，無下次！

The desserts are good looking and taste very good. The portion worths the money. Price is ok.But the space is too small. The seats are stick to the others seat behind you. Not comfortable. That’s why I only give 4 stars.甜點看起來很吸引，味道也很好，價格還可以，食物份量對得起價格。但空間位置真的太少，座位都和後面的座位貼着的，太擠、不舒服。

附近食完晚飯好想食個甜品埋尾，於是就喺四圍睇睇有冇啲就近嘅甜品舖跟住隨意行就搵到呢間連鎖嘅甜品店之前都有食過，但已經唔係好記得個味道今次再食返發現物價真係貴咗好多預我自己嘅喜好，我都係叫開芒果嘅甜品一般嚟講我都會叫楊枝甘露但一打開佢個Menu 發現雪山芒果西米露小丸子個樣子非常吸引 而且天氣咁熱有個雪糕加上去食一定好爽 於是就嗌咗啦 食落去個感覺普普通通 但係都一定係有一種透心涼嘅感覺 食完飯想隨便食碗甜品可以一食 但係佢就唔會有非常驚為天人嘅感覺 最驚人可能係個價錢哈哈

收工攰攰地，甘岩經過沙田新城市廣場轉車又未夠鐘，梗係搭電梯上去滿記買甜品慰勞一下辛苦左成日既自己啦👏🏻👏🏻👏🏻👏🏻 甜品係唔錯幾好食既，但係店員嘅態度我覺得可以好啲 😉楊枝甘露 $43芒果味比較重，除咗西米之外仲會有其他爆珠混埋喺入邊，提升口感層次！芒果燉奶 $38燉奶嘅口感比較香滑，軟硬度適中，奶味唔算好重，甜度適中，芒果都好甜，但系唔算多芒果🥭 但價錢唔算貴，所以都算系咁架啦 🤣🤣

今天和老公去沙田新城市廣場hea，午餐完後，他要去食糖水😂，便來到老字號的甜品店，很快職員便安排入座。點了一份綠豆沙仙草芋圓(凍)👉第一口已感到臭草味道👍綠豆沙不太甜，芋圓不彈牙，仙草一般，份量也較其他甜品店少。之前在西貢區食過，感覺也是麻麻地，現在也沒有改進，也許賣的是老字號人情味🤩。

甜品不過不失，紅豆沙有啲水唔夠沙，但店員就好差啦！張枱好細，整體坐得唔舒服，店員上甜品時整跌我地個袋，sorry都無句，仲講大話話無掂過個袋😂，好笑啦個袋會無啦啦跌既！

好耐無食滿記甜品，典型連鎖甜品店，主打楊枝甘露、椰皇類糖水，味道中規中矩，但就肯定唔會出錯。餐廳都幾多人排隊，所以長期都好忙，員工服務態度尚可接受。楊枝甘露經典港式糖水，有芒果又有西米，而且酸酸甜甜啱囇夏天食。

#20230709 🤍📍 滿記甜品 @fullhousedesserts 沙田沙田正街18號新城市廣場一期7樓704A號舖 🍽️ 旺角｜深水埗｜西貢｜上環｜將軍澳｜尖沙咀｜大嶼山均有分店➖➖➖➖➖➖➖➖➖➖➖➖➖➖➖➖➖➖#榴槤白雪仙草 $53💭 啲榴槤肉好似球雪糕咁大🤩食得出有啲榴槤絲係入面都算真材實料，仙草滑嘟嘟，基本上配咩都好食😋不過嫌佢個雲尼拿汁勁多冰，🐷都無乜食到就放左係度，如果個汁可以自由配啲糖水咁就正.#芝麻糊綠豆沙 $31#湯圓 #黑芝麻 +$14💭 芝麻糊溝綠豆沙睇落好似好夾咁，不過芝麻太濃完全蓋過左綠豆沙既味道，湯圓正正常常，唔難食但亦唔係特別好食🙈唯一要讚係個上菜速度，手機落完單唔使一分鐘就上齊晒啲野📱極快手.#沙田美食 #🐷在沙田 #旺角美食 #🐷在旺角 #深水埗美食 #🐷在深水埗 #西貢美食 #🐷在西貢 #上環美食 #🐷在上環 #將軍澳美食 #🐷在將軍澳 #尖沙咀美食 #🐷在尖沙咀 #大嶼山美食 #🐷在大嶼山 #🐷_食

行開新城市想食糖水，就得滿記甜品可以揀🥹零山芒果西米露(配芒果雪糕）小丸子，芒果唔甜，芒果汁偏淡，小丸子我都係鐘意白色個款多d，呢款口感麻麻，整體黎講覺得都唔好味👎雪山椰汁紫米露仙草配雲呢嗱雪糕，仙草好淡冇乜味，好似食緊啫喱咁，個紫米露就幾好，配埋雪糕食不錯。呢個麻薯好好食👍👍👍個麻薯凍冰冰，有牛奶香味，我地揀左oreo味，相當之夾！不過滿記甜品芒果口味既甜品小左好多，而且芒果味既產品都唔太好食。

新城市接近得滿記一間糖水舖，冇乜選擇之下想食糖水的我和朋友們食完晚餐就去了。選擇都幾多，但我有個迷思係，西哥明明大家都知道滿記出名嘅係芒果pancake同埋榴槤班戟，但係佢大大隻字寫住招牌芋圓，佢幾廿年前開始出名嘅時候根本就冇芋圓流行。所以個人覺得佢似跟風多啲。講番糖水，我哋叫咗兩個熱嘅糖水同埋一個凍嘅有雪糕嘅甜品。包括有椰汁紫米露配小丸子，杏汁燉雪耳桃膠，仲有個冰類。紫米露香甜，小丸子有驚喜，雖然綠色同黃色有啲怪😂。杏汁糖水香滑，呢個糖水養顏滋補！