越男仔 (已搬遷) 新店位置

東南亞既野食都好吸引，除左泰國菜之外，仲有越南菜都有好多正野揀。未試過係旺角搵越南餐廳，都係上下網睇到呢間好似好多特色fusion 菜出面好少見。叫左個椰汁酸湯滑雞湯檬粉，當然最重要係個湯底夠正先好味啦，椰香十足帶點酸味，飲完第一啖忍唔住飲多幾啖。椒鹽軟殼蟹炸得好香脆惹味，見到砌到隻完整既蟹出黎，唔算辣，我諗大概係小辣level，岩哂我呢啲唔食得辣既人。海膽手撕雞檬紙卷一客4件，件件都鋪滿左海膽，食落去一啲都唔腥，加埋手撕雞好清新。成日食好多油膩野食番呢個balance 番。薄荷青檸梳打見到入邊有一塊薄荷葉，飲落唔多個種太假既薄荷味，亦唔會過辣，夏天飲爽呀！