丸·茶手作 (已結業)

珍珠奶茶店越開越多，有時都唔知飲邊間好。之前喺尖沙咀飲過丸茶手作覺得唔錯，估唔到而家佐敦都開埋分店，喺地鐵站行過嚟唔駛1分鐘，好方便。隔離有個櫥窗，會直播店員點樣去製作珍珠🤣呢間店最特別嘅地方就係各式各樣嘅珍珠，除咗一般嘅黑糖珍珠，呢度仲有桂花，紫薯，櫻花，黑芝麻等等。而今次我就揀咗招牌既黑糖珍珠撞奶同桂花珍珠奶綠。黑糖珍珠撞奶賣相唔錯，飲落去甜度適中，黑糖味道突出，黑糖珍珠口感彈牙Q軟，整體不錯。桂花珍珠味道好特別，有淡淡既桂花清香，係好清新好舒服既味道，非常推薦大家去試吓👍🏻👍🏻