犀牛廚房

營業中

休息中

喺毫無準備之下去咗西灣河諗住同個朋友飲杯嘢，我朋友喺OpenRice揀咗一間好似都幾歷史悠久嘅coffee shop，去到嘅時候先至知道原來佢只有企位，咁樣傾偈好唔方便嘅，於是乎就轉陣地去咗隔離一間餐廳，呢一間餐廳個樣好新，裝修都幾靚，根據我嘅經驗，咁樣嘅格局，佢嘅食物通常都係一般，原本只係諗住飲杯嘢，點知下午茶餐只係貴飲品幾蚊，於是乎就叫咗個西多士同埋花生醬窩夫，點知驚喜就出現，個窩夫真係超級好食，外脆內院，個粉漿真係做得好好，臨走嘅時候同店員講佢哋個窩夫好好食，店員先至話俾我知原來係佢哋自己整嘅，唔係喺出邊買返嚟嘅窩夫，唔怪得知咁好食啦。西多士都好食，佢係將件方包一開四，所以多啲範圍點到蛋漿，都好食，只不過窩夫太出色，於是個西多士就比下去。如果鍾意食窩夫嘅朋友，真係要來試吓。