影片
更多
2019-02-09
77 瀏覽
來到大年初五，今日行程不算緊密，唯一節目就是要去住在柴灣嘅親戚處拜年。老公提議先去附近買點手信，然後再去吃頓早飯打發時間。在「興華廣場」一樓找到這間「民華餐廳」，見門面很光猛，環境乾淨企理，從門外往內望，原來餐廳十分旺場，入面已經幾乎坐滿食客，就一於在這裡用餐。選了個靠牆的卡位，自成一角，感覺亦蠻不錯。餐廳的食物很簡單，只有幾個大類，除了一般茶記必備的常餐之外，還有蒸飯、點心、特色飯類套餐，多士三文治、飲品及特飲。由於剛才在門外等候時，已經細看了餐牌，所以入座後，便可以立即點餐。選了滋味常餐、咖喱牛筋腩飯、兩款點心同一份三文治。滋味常餐 ($41) 可以喺 A、B、C 及飲品中，各選擇一款。揀左叉燒米粉、火腿煎蛋、即烘牛油多士配熱奶茶。米粉以一個單柄大湯碗盛上，份量頗多，入口軟熟不硬，非常入味。叉燒睇落乾身，而且以瘦肉為主、無乜脂肪，幸好食落又是另一回事，肉質有嚼勁得來仲好腍滑，唔會太乾。多士烘得夠熱辣香脆，而且麵包質地亦夠彈牙鬆軟。太陽蛋不會過熟，蛋白有燶邊，蛋黃呈橙黃全流心。餐飲可自選熱咖啡或奶茶，配搭豐富。至於另一客咖喱牛筋腩飯 ($47) 亦甚有睇過，飯同餸分開上，並不是
來到大年初五，今日行程不算緊密，唯一節目就是要去住在柴灣嘅親戚處拜年。老公提議先去附近買點手信，然後再去吃頓早飯打發時間。在「興華廣場」一樓找到這間「民華餐廳」，見門面很光猛，環境乾淨企理，從門外往內望，原來餐廳十分旺場，入面已經幾乎坐滿食客，就一於在這裡用餐。
選了個靠牆的卡位，自成一角，感覺亦蠻不錯。
餐廳的食物很簡單，只有幾個大類，除了一般茶記必備的常餐之外，還有蒸飯、點心、特色飯類套餐，多士三文治、飲品及特飲。由於剛才在門外等候時，已經細看了餐牌，所以入座後，便可以立即點餐。選了滋味常餐、咖喱牛筋腩飯、兩款點心同一份三文治。
滋味常餐 ($41) 可以喺 A、B、C 及飲品中，各選擇一款。揀左叉燒米粉、火腿煎蛋、即烘牛油多士配熱奶茶。米粉以一個單柄大湯碗盛上，份量頗多，入口軟熟不硬，非常入味。叉燒睇落乾身，而且以瘦肉為主、無乜脂肪，幸好食落又是另一回事，肉質有嚼勁得來仲好腍滑，唔會太乾。多士烘得夠熱辣香脆，而且麵包質地亦夠彈牙鬆軟。太陽蛋不會過熟，蛋白有燶邊，蛋黃呈橙黃全流心。餐飲可自選熱咖啡或奶茶，配搭豐富。
至於另一客咖喱牛筋腩飯 ($47) 亦甚有睇過，飯同餸分開上，並不是好似碟頭飯咁淋上面就算，有誠意。嘩！啲白飯熱騰騰，最特別係飯面鋪左隻荷包蛋，太陽蛋全流心，非常正斗，食落有蛋香。米飯粒粒分明，軟硬適中。牛筋腩約有 5、6 件，份量不少，而且燜得火候十足，入口香軟腍滑、不老不韌。至於配料就有薯仔、洋蔥同青紅椒。咖喱汁夠杰身，香濃惹味，用來下飯一流、
豉椒鳳爪 ($17)，碟鳳爪份量亦不少，而且隻隻看起來都非常飽滿，食落紮實帶膠質，加上少許豆豉和紅椒，夠曬惹味。兩父子唔識欣賞，幾乎係我一人獨享。
至於隻足料糯米雞 ($26) 果然無吹水，隻糯米雞差不多有成隻手掌咁大，絕對夠飽肚。糯米食落軟滑可口，荷葉味香濃，加埋入面的雞翼、冬菇同瘦肉，用料不賴，味道亦唔錯，絕對值得一試。
壓尾的午餐肉雞蛋三文治 ($17) 亦實而不華，材料下得十分慷慨，午餐肉同雞蛋即叫即煎，上桌時仍熱辣辣，而且餡料堆得滿滿，令三文治變得很厚身，$17 一份，十多抵食。埋單 $150 有找，非常經濟實惠。
張貼
