影片
更多
2009-04-20
197 瀏覽
19-4-2009九龍城越南菜選擇較少, 上次食過福佬村道0個間 (http://www.openrice.com/restaurant/commentdetail.htm?commentid=1959788) 覺得麻麻, 今次試試唔多似越南餐館的呢間. 一行 4 人, 叫了兩肉一菜一飯 share, 整體果然如佢店名 / 餐牌咁 -- 又「越」又「粵」!「越」菜 #1 蒜蓉牛油雞翼 ($30): 一客 6 隻, 望落炸得幾靚, 帶淡淡牛油味又帶點魚露 (?) 味, 味道較鹹, 亦頗油膩; 肉幾嫩, 不過食了半隻始知出事 -- 點解 "medium rare" 的! 雖然我0地無出聲, 不過阿姐收骨碟時似乎都被「血肉橫飛」的情況嚇親, 事後主動送上兩隻 "well done" 的俾我0地及猛講唔好意思, 算吧. 而 "well-done" 的就蘸了薄薄一層粉去炸, 油膩感大減, 皮脆肉嫩又無之前一 lot 的咁鹹, 呢個好好多!「越」菜 #2 椒鹽香茅豬扒柳 ($35): 其實係切條上的香茅豬扒, 好腍, 椒鹽味 ok, 但又唔會蓋過香茅味, 幾好食喎. 「粵」菜係「
九龍城越南菜選擇較少, 上次食過福佬村道0個間 (http://www.openrice.com/restaurant/commentdetail.htm?commentid=1959788) 覺得麻麻, 今次試試唔多似越南餐館的呢間. 一行 4 人, 叫了兩肉一菜一飯 share, 整體果然如佢店名 / 餐牌咁 -- 又「越」又「粵」!
「越」菜 #1 蒜蓉牛油雞翼 ($30): 一客 6 隻, 望落炸得幾靚, 帶淡淡牛油味又帶點魚露 (?) 味, 味道較鹹, 亦頗油膩; 肉幾嫩, 不過食了半隻始知出事 -- 點解 "medium rare" 的! 雖然我0地無出聲, 不過阿姐收骨碟時似乎都被「血肉橫飛」的情況嚇親, 事後主動送上兩隻 "well done" 的俾我0地及猛講唔好意思, 算吧. 而 "well-done" 的就蘸了薄薄一層粉去炸, 油膩感大減, 皮脆肉嫩又無之前一 lot 的咁鹹, 呢個好好多!
「越」菜 #2 椒鹽香茅豬扒柳 ($35): 其實係切條上的香茅豬扒, 好腍, 椒鹽味 ok, 但又唔會蓋過香茅味, 幾好食喎.
「粵」菜係「金蒜荷葉籠仔大蝦飯」($55): 「大蝦」其實唔大, 不過幾多, 新鮮度算 ok, 不過鮮甜味爭 d; 飯底係薑蔥炒飯, 頗惹味, 不過始終蒜蓉落得唔夠, 食味硬係爭 d; 而又薑又蝦又蒜, 荷葉味就梗係無啦.
「越」(定「泰」?) 菜 #3 馬拉盞炒通菜: 頗嫩, 馬拉盞唔辣, 但亦唔夠香, 不過味道又好鹹, 食到 R 晒頭.
阿姐話呢度開0左一個月左右,「可能新開 d 人未識我0地」, 唔怪得星期日的 7:xx pm 的九龍城竟然得我0地一檯客.
埋單每人約 $35, 雖然食物一般, 不過實在勁平, 都可以一試的.
張貼
