新記煲仔雞粥 (已結業)

老店果然係老店！九龍分店都食過，今次順路可以食到元朗新記老店十分期待！在疫情下，晚市時間都滿座㗎😎必食一定係「貴妃雞粥」，去邊間點都必點呢碗！粥底綿滑，黃油雞肉嫩又入味！啖啖咸香，正到痺！粥嘅好朋友梗係炒麵啦🤣「豉油皇炒麵 」都係鐵膽之一㗎！由細到大都好鍾意食炒麵...呢度炒麵炒得好乾身，麵唔淋，爽口又香口😋脆皮燒乳鴿：好耐冇食到有水準嘅燒乳鴿啦😍外皮燒到好脆肉唔會韌仲好多肉汁添👍🏽海蜇生腸：少少酸辣，開胃小食！最後誠意推介：我第一次點「金錢煙鴨胸」淨係睇個樣已經流口水🤤🤤仲以為係普通滷水...我就覺得係酒店中菜廳菜式嘞！鴨胸晶瑩通透，肉質炆到好入味好淋，食落有東玻肉嘅口感，配埋好正嘅甜豉油已經超好味😋幾乎我一個人食晒一碟😂😂