榮式燒雞扒專門店

營業中

休息中

去榮式食飯， 唔使諗咁多，一定係食佢嘅榮式燒雞扒， 下午茶重要抵好多， 燒雞扒配出前一丁連熱飲， 只係$36。 塊雞扒煎得好香，雞皮好薄，而且食得出燒嘅時候有落蜜糖， 甜甜地幾好。除咗燒雞扒，餐廳仲有其他雞的菜式， 半份花生醬西多士配太脆雞翼， 下午茶$28， 太脆雞翼望落好似好熱氣， 好邪惡， 但食落竟然冇嗰種好熱氣嘅感覺， 反而係好脆，冇太多脂肪和油。 西多士都唔錯， 中間有一層花生醬，半份啱啱好。 驚唔夠飽可以加$8 有稻庭烏冬。雖然話食下午茶係貪佢平， 不過最尾都係再嗌多半隻雞， 招牌家鄉滑雞$88， 有雞味， 絕對唔係雪到冇味嗰種， 肉質較腍， 有三種醬可以點，分別係沙薑汁、蔥油和泰式酸辣汁。跟餐熱飲，熱奶茶不過不失， 第一啖有茶嘅苦味， 不過之後茶味越飲越出，越飲越順口。