榮式燒雞扒專門店

榮式燒雞扒專門店 (坑口明德商埸)。2025/July/Fri/14:17。2人共$146 無加一。見openrice無劣評，讚到啲雞扒世一咁，又脆又嫩，最後中伏咗，應該係我唔好彩，今天大厨心情不好。⭐️入咗自己黑名單。.................⭐️位置，隔涉商場內，唔算易揾。⭐️⭐️環境，感覺算乾淨，空間都可以。⭐️⭐️服務，招呼有禮。.................⭐️榮式雞扒1件$52叻沙米粉$6共$58，件雞扒完全似用水烚熟，跟住係咁意過一過火，無色無味又細塊就$52，加錢個叻沙有色但完全無味。⭐️跟餐+8椰汁冰，椰漿溝水加幾粒冰。⭐️鱆魚蓮藕餅2件湯檬$52，件餅硬到呢，炸過火，碗檬有雞粉味嘅，仲有小小小小芽菜及1個豆卜，整體份量太少。⭐️⭐️跟餐+3凍奶茶，最正常。⭐️炸洋蔥圈$25，又濃又黑，過唒火。.................將軍澳 坑口明德商場 地下 4-6舖坑口港鐵站 B1出口(我識行都起碼行10分鐘)..................…查看更多

榮式燒雞扒專門店📍將軍澳坑口培成里10號明德商場地下4-6號舖聽同事講呢間燒雞扒出名而專程嚟試吓，雞扒皮燒得好乾脆，味道真係驚喜，可惜份量比較細，薯條亦一般。細商場入面都多街坊幫襯，睇得出熟客多，裝修幾新淨，圓枱比較多。…查看更多

味道普普通通, 街坊店不過不失 食物 : 榮式雞扒撈丁 $50 - 賣相正常, 雞扒味道正常, 撈丁味道一般 雞扒炸魚柳飯 $58 ~ 味道正常, 炸魚柳粉漿較厚 飲品 : 加$5 叫咗凍檸茶, 味道正常 環境 : 店內是茶餐廳裝修, 座位OK 服務 : 店員有禮貌 價錢 : HK$118 (無加一服務費)…查看更多

今天嗌咗榮式燒雞扒專門店嘅一番雞扒，真係啖啖滿足💥！店內人流湧湧，但落單出餐都係手快手脆，唔洗等得太耐。先一口食入去嘅榮式招牌燒雞扒，外層燒得啱啱好，微脆嘅皮衣下，嘗到淡淡嘅香甜，肉質鮮嫩多汁，咬落去咀感十足。薯條幾得意，外酥內腍，正！戴上花生香浸浸嘅西多士，啖啖都好讚👍🏻！輕咬一口，即刻融合鬆軟嘅麵包同香口嘅花生香氣，簡直係下午茶嘅完美拍檔！而家鄉滑雞真係客家好滋味，皮薄滑嫩，啲醬汁揀嘅多，我推薦沙薑醬，惹味得嚟唔膩口，啲肉入味得黎甩骨，真係得意！最後當然唔少得杯茶走，啱啱好嘅甜度同濃香，暖笠笠地送走飯後餘韻，完美收場。下次仲要返嚟試埋其他款式，港味滿滿，簡直係街坊嘅福音🍴！…查看更多

雙重雞扒飯☺️榮式雞扒飯是香港的一道經典美食，口感豐富且美味。榮式雞扒飯的雞扒通常是用雞胸肉或雞腿肉製作而成，經過調味、醃漬和煎烤等步驟。雞肉質嫩滑，口感鮮嫩多汁，外層通常被煎至金黃酥脆，內部保持著嫩滑的質感，榮式雞扒飯的飯食部分是白飯，它的口感通常是軟糯而鬆軟的。白飯可以吸收雞扒和醬汁的風味，提供了飽滿的口感。榮式雞扒飯通常會伴隨著一些醬汁，黑椒汁、這些醬汁可以增添菜餚的風味，提供一些濃郁的滋味，使口感更加豐富和平衡。包括嫩滑、多汁、酥脆和飽滿等。它是一道美味的菜餚，口感豐富且滿足食欲，受到許多人的喜愛。…查看更多

將軍澳搵食經過「榮式燒雞扒」，知道佢秘製雞扒都好出名，分店多，而且早期去食都要排長龍。見餐廳有位就決定食呢間，我都係第一次嚟，無理由唔叫雞扒試吓嘅，一坐低就送上例湯，我哋QRcode點咗兩個午餐。其實除咗雞扒都有其他嘢食：豬扒、蓮藕餅、魚柳、鰻魚⋯⋯仲有醃好咗嘅急凍雞扒出售。❖榮式雞扒飯 (2塊) $61雖然係碟頭飯，但係賣相都幾吸引，有兩塊燒到有坑紋嘅雞扒，薄薄的，未食已經聞到陣陣炭燒香味，已經想食，一入口，皮燒得脆肉嫩滑，雞扒調味豐富，醃得入味。配菜有翠肉瓜同椰菜，加埋大量蔥油、菜脯，豉油汁撈埋啲飯一齊食好惹味開胃，成碟食晒。❖鹽酥雞扒撈檬 $54一塊鹽酥雞扒唔算大塊，炸得酥脆鹹香，雞扒入味，咬開有肉汁，唔會炸到乾晒，檬粉份量都多，條條幼滑分明，加入甜酸醋食更清爽，夏天食就啱晒。跟餐凍飲加$3。#榮式燒雞扒專門店地址：將軍澳培成里明德商場地下4-6號舖…查看更多

每次去榮式雞扒店都會嗌雞扒飯，佢d雞扒雖然落咗d黑椒，但係香，唔係辣，d雞好滑好淋，我個仔每一次都全碟食晒，另外豬扒飯同樣出色。不得不提它的配菜也做得好，菜譜同蔥油用嚟撈飯，簡直係絕配…查看更多

坐低冇耐未叫野食，店員就遞上隨午餐附送嘅例湯。今日係蕃茄薯仔雜菜湯, 非常足料濃郁，飲落好似住家老火湯，似係冇味精，飲完直情想添飲😂午餐叫咗：雞藕天成飯：本身落單嘅時候已經叫咗少飯，但係我覺得我個飯同正常飯量係無分別。雞扒同藕餅嘅調味咸左啲，要配埋飯一齊食先得。雞扒嘅黑椒味好出,煎得算係乾身。藕餅入面有冬菇蓮藕同埋豬肉,但係炸得較耐，食落硬左少少。熱奶茶：奶茶味道頗澀口，請店員加番啲淡奶之後就好啲，不過成杯奶茶嘅茶香味不足。…查看更多

今日來這裡睇醫生🩺睇完醫生之後剛好遇著下午茶時間。所以就試吓這間有很多分店嘅雞扒專門店。一直無咩機會試。因為其實我對雞扒都唔係太熱愛。不過我都好歡迎香港有多一些專門食某種食物嘅食店。今次其中一個最吸引我嘅地方就係價錢相宜。一個下午茶餐$30以下都可以。以下係我今次點嘅下午茶：這個餐只需$28 凍飲🥤加3蚊 Total $31手機落單 唔需要和任何人溝通 當然如果你要清水都係要問職員 但職員都算溫馨 唔會黑面和扮聽唔到 手機落單介面都算容易操作 有好多仔細位都會特別注明 例如：走甜、少甜、走冰、少冰 等等⋯講返食物 雞扒只係暖 一啲都唔算熱 可能一早煎咗有啲失望 塊扒用咗少量黑椒 所以幾香口 塊肉好淋身 就算無牙都好容易處理 薯條比較油 食落都算滿意 大量茄汁好慷慨 整體來講這個價錢都算滿意 …查看更多

今次介紹呢間茶餐廳，佢有好多分店，估計應該有一定保證平日中午12點，呢個時間冇乜人，一來佢位置唔就腳，在明德商場比較入的位置，郵局對面，所以人流一般，所以我覺得坐得舒服，雖然係茶餐廳，但服務員態度好好，而且唔會比壓力趕頭趕命咁，我覺得好好，因為可以慢慢食，enjoy 一下個飯！呢個雞藕天成，有一大片薄簿嘅雞扒，係香煎嘅，所以十分香口，而且易咬，我個人覺得好味唔油膩！另外有兩片蓮藕肉餅，都係香煎嘅，對於平時唔食蓮藕嘅人，呢個藕餅容易入口！同埋我鍾意佢D飯，粒粒分明，唔會太濕同黐埋一舊舊咁，再有少少豉油多多薑蔥，真係好好味！加埋鹹檸七都係加＄7，total $61有埋湯，好抵食！👍🏻…查看更多

小妹對雞肉係情有獨鍾🤪揀食嘢通常都係揀佢先。今日lunch選擇困難唔知食乜好🙃見到榮式燒雞扒就諗起之前男友外賣過一次榮式雞扒飯比我吃。小妹已經覺得塊雞扒好正又嫩又大塊又多汁🤤that’s why 小妹就對腳已經自己走左入去😂果然無令我失望，塊扒依然有水準🤙🏻叫左雞藕天成，餐有埋湯同熱飲大大塊既雞扒醃得好入味🤤佢係偏薄身，所以煎完個邊邊有點香脆雞肉仲係好嫩滑keep到juicy 🤩鱆魚蓮藕餅非常香口！煎完唔會乾爭爭仲有肉汁。加埋蓮藕既爽脆口感簡直係一流😚而跟餐既湯都一樣足料！巨大既雪耳仲有兩三舊紅蘿蔔🥕一樣咁正🥳…查看更多

🐤 雞藕天成 $56 （少飯）一坐低都未落單，姐姐已送上紅蘿蔔豬骨湯🤣🤣飲落似無味精。落完單話咁快就有野食！久違了既雞藕天成就放係我面前😍招牌既坑紋燒雞扒一大塊，唔係走厚身路線，調味恰當，燒得皮脆肉嫩👍🏻👍🏻！！另一個招牌就係蓮藕餅，兩大舊新鮮炸到金黃色激香脆！！主要係用豬肉溝爽口既蓮藕粒，真心充滿肉汁！而章魚粒就比較怕羞啲，唔係好睇到佢踪影🤣🤣好彩豉油唔係死鹹，仲有一堆菜脯及蔥油比你撈飯，食下食下都食晒成碟😝又要提提😌位位職員都係勁友善勁helpful ，自助落單都會主動問洗唔洗幫手，又介紹下有咩食😆午餐五十幾蚊有湯有飯有野飲，野飲仲可以揀特別啲既檸蜜/菜蜜/青檸水etc，出邊餐廳都要額外加錢，呢間就唔洗啦，真係平靚正之選😋😋…查看更多

不論人和食物 耐冇見 耐冇食 都會係掛住🧐記得之前係銅鑼灣返工既時侯成日都去榮式雞扒專門店食LUNCH 果陣覺得大大碟好抵食味道都唔錯但食多左就開始覺得悶開始覺得不外如事不過今日經過將軍澳坑口明德商場見到一間店舖有種似曾相識的感覺和熟悉的味道🧐原來呢度開左間榮式雞扒專門店好耐冇食過啦 令我好懷念即刻諗都吾洗諗 入去量度體溫跟住搵個靚位坐低😎。榮式雞扒飯 2塊雞扒 (HK $56)滿心期待既雞扒飯終於送到我面前啦熱辣辣既白飯 配秘制薑蔥蓉 正👍佢D薑蔥蓉除左薑和蔥 仲有紅蘿白粒 色彩繽紛令人食慾大開🤤伴碟仲有小白菜 有肉又有菜😛即刻覺得成件事健康左🤭最中意佢地既雞扒係用秘製醬汁黎醃 吾會太咸又夠入味煎完仲好滑好 juicy👍隔左咁耐 水準同我記憶中都差吾多冇咩太大改變😋不過吾知係咪先入為主呢硬係覺得銅鑼灣店正D🤣或者回憶味道永遠都是最美好的😍。食物:6/10價錢:7/10環境：7/10。榮式燒雞扒專門店將軍澳將軍澳培成里明德商場地下 4-6號鋪…查看更多

🥢雞扒滷水豆腐飯($53-2) 特式燒雞扒香脆又多汁既燒雞扒，好似去骨雞臂肉咁滑咁juicy💦 雞皮脆卜卜，與肉之間仲夾住胡椒粒，啖啖都咁香！榮哥獨創風味，其他餐廳都搵唔到，區區都有佢既分店。坑口店同以前食過既銅鑼灣舊店味道一樣，一樣咁正！港式碟頭飯！大大碟，好飽肚我揀左滷水豆腐，外皮有炸過，粒粒都好入味，滷水汁唔算太咸。另外有好多其他配搭選擇，包括茄子，炒蛋，咖哩等。每碟飯都會鋪特製豉油，亦會有葱油同菜圃粒，唔中意既朋友記得叫走葱/少豉油之類🤪午市又配餐飲，而家仲有餐湯送。當時送既係老火菜乾湯，幾香甜，係屋企煲唔到既濃郁味道。👅Ps手機下單仲有$2折扣…查看更多

聞日放假去咗將軍澳坑口有啲嘢整，得自己一個人都要食啲嘢嘅。原來明德嘅街坊商場有「榮式燒雞扒專門店」，自從轉咗返工地點，我就好耐無食了，既懷念又熟悉嘅味道🤤。將軍澳店好大間，座位闊落好坐、環境乾淨企理，而且分隔座位措施做得好足👍。餐廳現時以QR code落單，頗方便的。雞同鴨講($56)撈出前一丁(+$8)，呢度嘅招牌菜當然係燒雞扒，食物款式大部份都離不開雞扒🐔，但就可以自由配搭其他餸菜。我揀嘅款式係指雞扒拼鴨胸，鴨胸有四件，我自己好鍾意食，不過後尾諗諗吓呢度有更多特式嘢更值得試😛。榮式燒雞扒真係冇得輸，超好食😋。我平日出街食嘢，如果喺豬牛雞三樣之中，我一定唔會揀雞，但依度嘅雞扒真心正！雞扒呈長條形，唔算厚身，但肉質嫩滑，皮脆帶黑椒香，鹹味恰到好處，果然無令我失望。另外，我加咗一塊鱆魚蓮藕餅(+$15)，佢絕對不比雞扒遜色🤤！蓮藕餅煎得好香，但唔會熱氣，而且內餡真係食得出蓮藕粒同鱆魚粒。留意番，呢度嘅蓮藕餅同超市買到嗰種口味係唔同㗎，值得一試。我要咗出前一丁做麵底🍜，如果揀飯就唔使加錢，另外亦有得加錢揀撈烏冬或者湯烏冬。我對於撈丁好滿意，因為非常掛汁，而且配埋炸菜同蔥油食，夾到一個點！飲品方面，我加錢要咗特飲青檸梳打🍋(+$8)，梳打水分開上，夠哂冰涼。不過如果多啲青檸就更正。由於雞扒真係好好食，所以我見現成有一包包嘅急凍雞扒賣，就忍唔住買咗包！店員好友善🙏🏻，仲叫我買多包送優惠卷添，不過雪櫃無位就下次先啦。榮式招牌雞扒($48)，雞扒已經醃哂味，齋煎或者焗就搞掂，方便又美味。未食過嘅家人都讚好😍。總括嚟講，榮式燒雞扒多年來都能夠保持高水準，抵佢開咁多分店😄。價錢我覺得合理，而且份量唔少，一定夠飽。下次要食埋豬扒，希望佢可以喺我屋企或者公司附近再開分店啦！…查看更多