嘉樂冰廳 (新村街)

營業中

休息中

成日話想去嘉樂冰室試吓，因為聽人講話佢啲份量好大份，並且好味，早幾個月曾經話想來試吓，因為話佢舊老細退休，會結業，點知原來有人頂手，所以遲遲都冇去食，直至今日下午我去食啦，咁當然拉埋我女朋友啦，三點幾嘅時候，全場坐滿左八成，唔使等位，環境方面就真係麻麻，佢裝修非常懷舊，直接啲講係好舊，服務方面都冇乜，咁當然啦來得依度都唔會好有期望啦，咁先睇吓餐牌先嘢食唔算好多，但都足夠，我哋每人叫咗一碗麵，再加個火腿小奄列，啲菜好快來，先講麵先，份量真係好多，雞翼好淋唔錯，咖喱牛腩就正常啦，牛腩唔太淋，但都接受到，真係好大舊，仲有埋麵包送，隻蛋唔係好熟，所以都有好多蛋汁，味道幾好，唔怪之得係王牌啦，但是太多蛋都唔係太健康，所以建議兩個人食就最好，總結來講，價錢跟味道都係合理，唔算好有驚喜但都值得一試。