皇室甜品 (已結業)

原本想開開心心食甜品，點知一坐低見到個操大陸口音既女人執枱，一開始就鬧剛走的客人點解攪到張枱同d櫈咁亂，然後大力執返d碗碟，好大力咁將d枱枱櫈櫈移好，氣忡忡咁，老實講，我唔覺得張枱好亂，而係好正常食完野既情況。跟住有個比較高既女人，拿著把界刀系我地身邊打開d新既紙盒，之後大大力將d甜品材料碇係枱到，我地真係咩胃口都無曬。其實d甜品都唔算難食，但係d員工真係好趕客。如果我係老闆，我唔會做落去，就算d甜品好食都無用，因為d員工真係好趕客。我寫呢段野出黎，係希望講個真相出黎，希望老闆可以將錯既做返好。當然，如果頭先個兩個女人係老闆，咁就當我無寫過。