影片
更多
2024-06-08
5845 瀏覽
去日本可能會去海鮮市場食活蟹🦀原來香港都有地方可以食到即撈日本蟹🤩位於銅鑼灣利園嘅蟹膳主打食松葉蟹、毛蟹、鱈場蟹嘅高級料理，環境雅致，帶點禪風🎋門口有個水池養住多隻活蟹，即撈即煮夠新鮮👍🏻晚市套餐又$1600-2080一位不等，大部分都會有毛蟹，或者其他矜貴海鮮。今次食嘅$1780松套餐就以毛蟹及松葉蟹為主角。晚市價錢較高，適合慶祝，但午市都有價錢相宜得多、$400多元嘅蟹料理🤑🍲前菜蟹肉凍湯，一般凍湯都係西餐廳先會出現，呢個日式版本又幾得意😆湯頭質感creamy，好似薯仔凍湯咁，配以蟹肉及三文魚籽，酸甜開胃😛🟠海膽松葉蟹腳刺身華麗感滿滿，原隻海膽殼盛載蟹腳刺身及海膽，鮮味加乘😋蟹腳爽口，有啲似食龍蝦刺身；海膽甘香軟滑😻😻🍢松葉蟹天婦羅有松葉蟹鉗、蟹腳、雜菜天婦羅。炸漿夠薄夠脆，食落唔油膩👏🏻蟹肉厚身鮮甜，有驚喜。驚喜位仲有流心蛋天婦羅🍳一咬即爆開蛋漿，要小心食🤣🦀松葉蟹甲羅燒好少會食到滿滿蟹肉嘅甲羅燒，入口就食到好甘香嘅蟹膏味以及炭燒香氣😍配合一梳梳嘅蟹肉，口感味道都一流😋😋🍲毛蟹清湯湯底雖清但味道好鮮甜，飲落好舒服☺️毛蟹蟹肉做成球狀，除咗一梳梳蟹肉仲食到好似蝦膠般少許彈牙口感，配清
🍲前菜
蟹肉凍湯，一般凍湯都係西餐廳先會出現，呢個日式版本又幾得意😆湯頭質感creamy，好似薯仔凍湯咁，配以蟹肉及三文魚籽，酸甜開胃😛
🟠海膽松葉蟹腳刺身
華麗感滿滿，原隻海膽殼盛載蟹腳刺身及海膽，鮮味加乘😋蟹腳爽口，有啲似食龍蝦刺身；海膽甘香軟滑😻😻
🍢松葉蟹天婦羅
有松葉蟹鉗、蟹腳、雜菜天婦羅。炸漿夠薄夠脆，食落唔油膩👏🏻蟹肉厚身鮮甜，有驚喜。驚喜位仲有流心蛋天婦羅🍳一咬即爆開蛋漿，要小心食🤣
🦀松葉蟹甲羅燒
好少會食到滿滿蟹肉嘅甲羅燒，入口就食到好甘香嘅蟹膏味以及炭燒香氣😍配合一梳梳嘅蟹肉，口感味道都一流😋😋
🍲毛蟹清湯
湯底雖清但味道好鮮甜，飲落好舒服☺️毛蟹蟹肉做成球狀，除咗一梳梳蟹肉仲食到好似蝦膠般少許彈牙口感，配清湯唔錯👍🏻
🌱毛蟹醋物
食主菜之前嚟個酸酸咪咪嘅海藻清一清味蕾😙海藻上面都放咗蟹腳。
🍲毛蟹火鍋、雜菜盤火鍋
紙火鍋以昆布清湯為基底，先灼雜菜，再放入毛蟹蟹腳。店員會幫忙將所有食材都煮到啱啱好🫶🏻蟹腳新鮮，但以昆布湯為基底，味道稍為清淡一啲，隻蟹都相對細隻唔夠喉🤣
🍚三文魚籽雜燴粥
毛蟹蟹殼就會用嚟煮粥。少少蟹肉同蟹膏混入綿密嘅粥，加上蛋花同三文魚籽，會食到少許蟹膏。不過蟹膏份量同粥底相比唔算多，所以蟹膏味唔算出，都係比較清淡。
🍓甜品
可以選士多啤梨蛋糕或薑茶。忌廉蛋糕中間夾雜餅乾碎，唔會太甜😗
人均消費：$1960
推介指數（10分為滿分）：7.5分
張貼
