影片
更多
2018-02-23
878 瀏覽
呢日同好朋友黎到呢度開餐，話要食個新春大吉既開年飯咁話啵中午呢度有set lunch，價錢合理我地每人揀左個set，朋友要左個“名物海栗湯配烏冬”HKd$198+10%；而我就要左“鰻魚丼”HKd$118+10%朋友話既然係開年飯就食豪啲....所以我地另外要左一盤“刺身5盛”HKd$280+10%同店員推介既“梭子魚”HKd$228+10%做開胃前菜，仲order左兩客次次黎到都會嗌既“蟹味噌甲羅燒”HKd$68+10%見到呢一大盤刺身已經胃口大開每款魚生刺身都色澤鮮明又厚切，食落肥美肉甜當中既海膽更加係濃郁鮮味，而店員所推介既梭子魚的確唔錯，經過微微炙燒既魚身帶點焦香，正好同清鮮而甜既肉身互相輝映跟住既甲羅燒會有店員喺我地面前即場燒製喺燒緊既過程經已聞到好香，食落就更加滿意！蟹肉、蟹膏、蟹籽同鹌鹑蛋既混合，每一口都係濃而鮮，啖啖鮮甜濃郁既滋味都充斥喺口腔之肉，加上清新青瓜絲就更可以平衡一下當中既濃度，所以食完都唔會覺得漏原來朋友所揀既“海栗”鍋姐係“海膽”，除此之後仲有幾款唔同既海鮮：魷魚、鯛魚、帶子同三文魚....好豐富呀唔怪得朋友話佢呢個鍋物鮮甜到不得了，而個烏冬仲好彈牙添不過
中午呢度有set lunch，價錢合理
我地每人揀左個set，朋友要左個“名物海栗湯配烏冬”HKd$198+10%；而我就要左“鰻魚丼”HKd$118+10%
朋友話既然係開年飯就食豪啲....所以我地另外要左一盤“刺身5盛”HKd$280+10%同店員推介既“梭子魚”HKd$228+10%做開胃前菜，仲order左兩客次次黎到都會嗌既“蟹味噌甲羅燒”HKd$68+10%
見到呢一大盤刺身已經胃口大開
每款魚生刺身都色澤鮮明又厚切，食落肥美肉甜
當中既海膽更加係濃郁鮮味，而店員所推介既梭子魚的確唔錯，經過微微炙燒既魚身帶點焦香，正好同清鮮而甜既肉身互相輝映
跟住既甲羅燒會有店員喺我地面前即場燒製
喺燒緊既過程經已聞到好香，食落就更加滿意！
蟹肉、蟹膏、蟹籽同鹌鹑蛋既混合，每一口都係濃而鮮，啖啖鮮甜濃郁既滋味都充斥喺口腔之肉，加上清新青瓜絲就更可以平衡一下當中既濃度，所以食完都唔會覺得漏
原來朋友所揀既“海栗”鍋姐係“海膽”，除此之後仲有幾款唔同既海鮮：魷魚、鯛魚、帶子同三文魚....好豐富呀
唔怪得朋友話佢呢個鍋物鮮甜到不得了，而個烏冬仲好彈牙添
不過我所揀既鰻魚丼定食都唔輸蝕架，肥美肉厚既鰻魚配上香軟白飯，絕對係好味又滿足既抵食之選
而隨定食配有既茶蒸蛋都不容忽視
滑一滑既蒸蛋内有住蟹肉、蝦肉同菇菌，令每一口既嫩蛋都充滿住鮮味，正呀
當日我仲飲左杯好fresh既“白桃梳打”HKd$52+10%添
呢度食物水準穩定又唔差，店員服務殷勤有禮，中午既定食多款之餘又唔貴，質素有保證，確實推介大家不訪黎試試
張貼
