上海婆婆 (東港城)

營業中

休息中

位於將軍澳坑口嘅「上海婆婆」，無論平日或假日都有唔少食客幫襯。餐廳裝潢新派，座位闊落，相當好坐。上海小籠包（$45）- 算得上係餐廳招牌菜，小籠包皮薄餡多，咬下去充滿湯汁，肉餡鮮嫩可口。鍾意食小籠包嘅朋友值得一試。蟹粉西蘭花（$138）- 餐廳做緊一系列以蟹粉做主題嘅小菜，當中包括蟹粉西蘭花。蟹肉嘅份量都唔少，蟹肉鮮甜，配搭有口感嘅西蘭花，食落都幾開胃。鱔糊撈麵（$88）- 鱔糊分量都唔少，配合濃厚嘅醬汁，仲有爽口嘅芽菜，同細滑嘅幼麵，掛滿鱔糊醬汁，入口非常有層次。濃湯嫩雞煨麵（$62）- 麵條軟滑，搭配上香嫩雞肉和濃郁的湯底，配搭蔬菜，清清地又幾好食，感覺健康。