影片
更多
2022-05-26
23 瀏覽
上星期放假入咗東涌Chill一Chill！幾年前我哋喺東涌食過一間唔錯嘅意大利餐廳，點知上網搵先發現嗰間餐廳已經一早結業啦，但係同一地址嘅A Tavola Bar & Grill網上都好多好評，就決定去試下！餐廳喺海堤灣畔地下，東涌站步行10min內就到，唔係好遠。餐廳地方好大，分indoor同outdoor areas，室內裝潢充滿歐洲風情，座位寬躺舒適，音樂唔會太大聲，好啱gathering！Buffalo Chicken Wings ($118)一碟有10隻之多！呢度嘅水牛城雞翼與醬汁分開上，確保雞翼唔會被醬汁浸至腍身，食落仍然保持香脆！食嘅時候再蘸醬汁，酸酸辣辣，好惹味。如果醬汁嘅酸可以調至溫和一點就更好喇！Feta Salad ($128)又係份量十足！沙律菜新鮮爽脆，加上creamy軟滑嘅Feta Cheese，伴以洋蔥及三色椒點綴，賣相吸引開胃！Seafood Fettuccini ($155)海鮮種類豐富，有蝦，魚，魷魚，青口等，好有誠意。番茄醬汁酸甜開胃，帶有陣陣rosemary香氣，味道唔錯。如果闊條麵可以實淨彈牙一點就perfect啦！Butcher Best P
餐廳喺海堤灣畔地下，東涌站步行10min內就到，唔係好遠。餐廳地方好大，分indoor同outdoor areas，室內裝潢充滿歐洲風情，座位寬躺舒適，音樂唔會太大聲，好啱gathering！
Buffalo Chicken Wings ($118)
一碟有10隻之多！呢度嘅水牛城雞翼與醬汁分開上，確保雞翼唔會被醬汁浸至腍身，食落仍然保持香脆！食嘅時候再蘸醬汁，酸酸辣辣，好惹味。如果醬汁嘅酸可以調至溫和一點就更好喇！
Feta Salad ($128)
又係份量十足！沙律菜新鮮爽脆，加上creamy軟滑嘅Feta Cheese，伴以洋蔥及三色椒點綴，賣相吸引開胃！
Seafood Fettuccini ($155)
海鮮種類豐富，有蝦，魚，魷魚，青口等，好有誠意。番茄醬汁酸甜開胃，帶有陣陣rosemary香氣，味道唔錯。如果闊條麵可以實淨彈牙一點就perfect啦！
Butcher Best Pizza ($140)
Pizza係呢度嘅招牌，當然唔可以錯過！呢款Butcher Best Pizza有Ham、意大利辣香腸及雞胸肉，啱晒食肉獸！Pizza餅底較為厚身，邊邊位略帶炭香，食落唔會太乾，都唔錯！
食物全部都百多元左右，但份量好慷慨，碟碟都超級大份，性價比極高！外籍店員服務都親切有禮，環境又坐得舒服，下次嚟東涌都可以encore呢！
張貼
