影片
更多
2020-04-23
275 瀏覽
同屋企人喺東涌行完山⛰，隨便喺下巔皮村口搵咗間泰國餐廳食個飯，雖然只係小店，但估唔到咁多人，好多人行完山都嚟食。不過小店都有做足防疫措施。呢度有室外同室內，不過驚夜晚多蚊都係坐番入面。呢度應該係正宗泰國人開㗎，連侍應都係泰國人。打開餐牌好似樣樣都好吸引，全部都好想食，可能行完山個人特別肚餓。燒豬頸肉配椒汁燒得好香，豬頸肉爽口，配埋椒汁同埋生菜卷埋一齊食都有泰式風味。生菜新鮮爽脆。香炸蝦餅即製，見到金黃色外表，未食都已經知好味啦，果然食落熱辣辣，又香又脆，蝦肉爽口彈牙。泰式燒魷魚，啲魷魚好新鮮，不過如果燒得再耐啲會更加好味。椰青焗海鮮飯，原個椰青上🧉，夠晒睇頭，上檯時已經聞到陣陣椰香味。個飯都唔細架，材料好豐富，面頭有腰果，食落更香脆。泰式炒通菜，因為見餐廳寫住泰式，特別問下個職員會唔會好辣，個職員明明話唔辣，不過食落都幾辣，對於泰國人嚟講其實呢啲都算辣架啦🌶，大家自己衡量下啦。但係炒得好香好惹味，仲有啲麵豉香。最後甜品係必食嘅正宗泰國芒果🥭糯米飯，mix埋白糯米同黑糯米，啲飯暖笠笠，煙煙韌韌，好香椰漿味。🥥今日行完山⛰燃燒嘅脂坊又毀於一旦啦🙈！下星期再努力吧！💪
同屋企人喺東涌行完山⛰，隨便喺下巔皮村口搵咗間泰國餐廳食個飯，雖然只係小店，但估唔到咁多人，好多人行完山都嚟食。不過小店都有做足防疫措施。
呢度有室外同室內，不過驚夜晚多蚊都係坐番入面。呢度應該係正宗泰國人開㗎，連侍應都係泰國人。
打開餐牌好似樣樣都好吸引，全部都好想食，可能行完山個人特別肚餓。
燒豬頸肉配椒汁燒得好香，豬頸肉爽口，配埋椒汁同埋生菜卷埋一齊食都有泰式風味。生菜新鮮爽脆。
香炸蝦餅即製，見到金黃色外表，未食都已經知好味啦，果然食落熱辣辣，又香又脆，蝦肉爽口彈牙。
泰式燒魷魚，啲魷魚好新鮮，不過如果燒得再耐啲會更加好味。
椰青焗海鮮飯，原個椰青上🧉，夠晒睇頭，上檯時已經聞到陣陣椰香味。個飯都唔細架，材料好豐富，面頭有腰果，食落更香脆。
泰式炒通菜，因為見餐廳寫住泰式，特別問下個職員會唔會好辣，個職員明明話唔辣，不過食落都幾辣，對於泰國人嚟講其實呢啲都算辣架啦🌶，大家自己衡量下啦。但係炒得好香好惹味，仲有啲麵豉香。
最後甜品係必食嘅正宗泰國芒果🥭糯米飯，mix埋白糯米同黑糯米，啲飯暖笠笠，煙煙韌韌，好香椰漿味。🥥
今日行完山⛰燃燒嘅脂坊又毀於一旦啦🙈！下星期再努力吧！💪
張貼
