影片
更多
2023-03-01
67 瀏覽
🤩去東涌東薈城行Outlet店行街購物掃貨 後去覓食 一場嚟到東涌唔想食沉悶乏味嘅連鎖食店 就睇Openrice搵呢區特式地道食店 見到呢間有幾多好評&有我哋想食嘅鑊氣小炒 就決定去呢間食由東薈城坐的士去呢間食店車程只需大約5分鐘 睇路線步行都係只需約15分鐘 唔難搵 位置近東涌消防局&北大嶼山醫院隔離的士司機同我哋傾計話佢都經常去呢間食店係幾好食 令我哋對呢間食店更有信心一落的士去到食店門前周圍有幾棵樹&唔少盆栽植物 有渡假園林feel 入到食店環境好大好寬敞 有室外&室內座位 室外有蓋座位夠開揚熱鬧有點大排檔風味嘅感覺但比一般大排檔整潔骨子企理&見到有食客帶埋竉物小狗一齊歡聚 而室內位置有冷氣較有餐館酒家感覺 我哋想靜啲傾計就揀咗室內座位😋我哋兩個人叫咗三款熱門菜式： 夠鑊氣鹹香惹味 非常多料豐富 有帶子&蝦仁&蝦干&魷魚鬚&菇片&腰果&紅椒粒&紅蘿蔔條&菜脯粒&韮菜鮮甜無渣 我最欣賞呢款 有驚喜 肉質鮮味啖啖肉 唔'鞋'口 無雪藏味 酸甜醬味剛好適中恰到好處 夠開胃 唔會太酸或太甜 而薄薄嘅生粉外層帶啲脆口感 太滋味了吧 菠蘿&三色椒&洋蔥都好入味 雞煲] 有個爐邊煲邊食 熱騰騰
由東薈城坐的士去呢間食店車程只需大約5分鐘 睇路線步行都係只需約15分鐘 唔難搵 位置近東涌消防局&北大嶼山醫院隔離
的士司機同我哋傾計話佢都經常去呢間食店係幾好食 令我哋對呢間食店更有信心
一落的士去到食店門前周圍有幾棵樹&唔少盆栽植物 有渡假園林feel 入到食店環境好大好寬敞 有室外&室內座位
室外有蓋座位夠開揚熱鬧有點大排檔風味嘅感覺但比一般大排檔整潔骨子企理&見到有食客帶埋竉物小狗一齊歡聚
而室內位置有冷氣較有餐館酒家感覺 我哋想靜啲傾計就揀咗室內座位
😋我哋兩個人叫咗三款熱門菜式：
[南風小炒王] 夠鑊氣鹹香惹味 非常多料豐富 有帶子&蝦仁&蝦干&魷魚鬚&菇片&腰果&紅椒粒&紅蘿蔔條&菜脯粒&韮菜鮮甜無渣
[菠蘿生炒骨] 我最欣賞呢款 有驚喜 肉質鮮味啖啖肉 唔'鞋'口 無雪藏味 酸甜醬味剛好適中恰到好處 夠開胃 唔會太酸或太甜 而薄薄嘅生粉外層帶啲脆口感 太滋味了吧 菠蘿&三色椒&洋蔥都好入味
[重慶香辣雞煲] 有個爐邊煲邊食 熱騰騰 小辣 獨制醬汁好香夠入味 雞肉同樣無雪藏味而且肉質嫩滑 配料有冬菇&紅椒青椒粒&洋蔥
三款菜式份量都好多好十足🤗超飽呀
仲有 估唔到呢度嘅感覺係幾年青有活力 有幾個年輕男女侍應店員每個都態度友好 &呢度都幾多年青食客幫襯
我哋星期一平日8pm嚟到 都好多食客 我哋10pm食完等無咁多人就順便影幾張環境相
呢度係營業至11pm關店的是
整體各方面都幾滿意 下次會再嚟試其他小菜款式😉
菠蘿生炒骨
8 瀏覽
4 讚好
0 留言
張貼
