大頭蝦南風海鮮酒家

營業中

休息中

今日一行四人坐完纜車之後黎左東涌大頭蝦南海海鮮酒家食飯，叫左6個小菜，每個菜各有特色！特別推介蜜汁欖角骨，外層香脆可口，味道帶有蜜糖既香甜同欖角既甘香，內裡肉質飽滿又鮮嫩，骨肉既差距唔會太大，令人回味無窮，下次再黎必定會再叫！😍😍因為我地食得辣既關係，所以叫左個中辣既麻辣雞煲夠辣之餘又唔會搶左雞肉本身既鮮味，夠晒嫩口，值得一讚👍🏻椒鹽魷魚外脆內軟，口感鬆化又唔會好厚粉，魷魚唔會炸到好韌，亦都保留左魷魚既鮮味！滿足鍾意食椒鹽海鮮既我啊🥳🥳大力推薦🎉蝦乾粉絲蒸勝瓜鮮甜又夠味，條條勝瓜都好絲滑同蒜蓉一齊擺入口既感覺，絕配啊！粉絲鋪底索晒蝦乾鮮味呢道菜送飯簡直一流👏🏻👏🏻豉味涼瓜炒牛肉夠晒火喉，涼瓜唔會好苦，本身咁鍾意食苦瓜既我，都食左幾舊，牛肉又唔會炒到好老，鍾意食涼瓜既朋友要試下呢道菜啦！😝😝金銀蛋上湯莧菜，正正常常，配料亦都十足，清淡有營養，很多人都唔知道莧菜含豐富鈣質同鐵質，所以特別叫左呢個清清淡淡既菜作今晚美味晚餐既Ending😏😏