大頭蝦南風海鮮酒家

營業中

休息中

真係好耐無入過黎， 估唔到都有隱世美食呀。 今次黎到東涌搵野食， 行行下見到大嶼山醫院附近有一間大排檔， 風味十足， 睇餐牌樣樣都有啲， 我哋見到最多人叫就係燒味拼盤，個個都叫叉燒， 燒味水準拍得住街外燒味舖，估唔到喺呢度都有美味燒味食！有肥瘦勻稱嘅蜜汁叉燒，脂肪比例平均， 岩岩好， 樣樣都岩岩好！ 正！ 仲有種炭香味嫁！ 而燒鴨居然比左全隻髀比我哋， 仲大大隻。見到好吸引既半隻乳豬堅， 叫左黎試試， 真係即燒化皮香脆，肉嫩多汁。 另外， 蜆芥鯪魚球，外表炸得鬆脆，蜆芥鹹鮮味十足！ 凍凍地可以食麻辣雞煲， 佢既底料做到香、辣、麻平衡，雞肉鮮嫩一流，其他菜式也很好，服務態度非常好。佢環境好闊落， 一d都五迫， 枱同椅子分位好闊落， 食得舒服！