KEW+

營業中

休息中

喺尖沙咀嘅海洋中心又有好Fancy 嘅新餐廳開張，餐廳主打中西日泰嘅多國菜，適合同朋友嚟聚會食飯，勝在菜式選擇多。餐廳以柔和嘅粉色系搭配花草為主題嘅裝修，令人感到放鬆舒服。酥炸魷魚鬚聽聞天婦羅炸物嘅評價不錯，所以餐前小食決定試試魷魚鬚。呈半金黃色嘅賣相不錯，炸粉薄而且鬆脆香口。日本雜錦魚生海苔脆脆相信菜式靈感係嚟自墨西哥菜嘅Tacos, 以海苔脆脆包住不同嘅刺身幾別開生面。刺身足料口感豐富，三文魚籽搭配海膽味道Creamy，打卡夠哂靚。海膽帶子大葉天婦羅以紫蘇葉包住帶子，再以天婦羅嘅形式酥炸。外層以海膽做topping。菜式簡單但口感幾有層次，先係海膽嘅奶油香，中層有紫蘇葉嘅清新感，尾段以肥美鮮甜嘅帶子作結。拉拉芝士薄餅食完日式即刻跳到去西式意大利菜嘅部分，鐘意食芝士嘅一定要點！ 超多Cheese 拉絲效果誇張，而且仲有Blue Cheese 喺薄餅入面認真有誠意。老壇酸菜鱸魚估唔到連中菜嘅酸菜魚都會有，一時興起同朋友都想食啲酸辣開胃菜，就決定試試。鱸魚起哂骨啖啖肉可以大快朵頤，魚肉口感嫩滑。酸菜魚湯底以酸為主，辣味偏低比較易入口。