南蛮亭

營業中

休息中

南蛮亭係日本東京過江龍居酒屋，佢哋嘅餐廳環境都幾闊落，食物同飲品選擇亦都算多，食物質素亦都好好，係一個同朋友聚會嘅好地方。今次我哋去就試咗以下嘅嘢食：- 枝豆($40)- 燒鱈魚棒($45)- 荔枝豬肉卷($40串）- 燒雞中翼($45串）- 自家製雞丸串($45串）- 蘆筍豬肉卷($45串）- 厚切牛舌($78串)- 芝士翠玉瓜($30串）- 白蘑菇($28串）我個人最鍾意嘅就一定係厚切牛舌，牛舌嘅厚度啱啱好，火候亦都控制得好好，食落去爽口嫩滑，有牛香，配上恰到好處嘅調味，好好食！自家製雞肉丸亦都係必試嘅菜式，雞肉丸有免治雞肉同埋雞軟骨組成，口感豐富，嫩滑又帶少少爽脆，配埋醬油蛋黃醬，食落非常惹味。蘆筍豬肉卷都好有驚喜，爽嫩個蘆筍，配埋燒到香脆嘅豬腩肉，口感好有層次，非常唔錯！整體來講，佢哋嘅串燒都好有水準，而且價錢唔算貴，想同朋友飲返兩杯食吓串燒嘅話，南蛮亭絕對係一個好嘅地方！