神山麺屋 (新聲大廈) (已結業)

今晚同朋友去咗尖沙咀嘅神山麵屋食晚飯，鋪頭比起坊間嘅拉麵店大，可以坐到30人左右，環境好舒服，好似去左日本居酒屋。我地叫左神山豚肉角沾麵同蕃茄叉燒湯拉麵，仲有啲小食。神山豚肉角沾麵嘅麵條好掛湯好有口感，個湯頭濃郁香醇，豬肉又好有層次，真係好正。蕃茄叉燒拉麵嘅湯頭酸酸甜甜，好清新唔會覺得好油膩，叉燒又好軟好嫩！小食方面，我地試咗蒜香魷魚鬚、豬骨湯餃子同唐揚豆池魚。魷魚鬚超重蒜香味，加埋啲蛋黃醬，好開胃。少有小食既餃子用上豬骨湯，湯底很濃郁，餃子餡料好豐富！唐揚豆池魚好嫩好脆，炸得好香，好適合做下酒菜。