火鍋煮場 (已結業)

香港人一年四季，唔理凍熱，打邊爐都係最佳活動，今次就去左位置非常方便既火鍋煮場，門口好光猛，離遠已經見得到，入到去地方唔算太大，但都坐得好舒適。打邊爐最重要當然係個湯底，我地今次揀左蕃茄海鮮蟹鍋，老闆話呢個蕃茄湯底係佢地用心制作，絕對唔係坊間一般水加茄膏溝成，講到咁當然試下啦。揀完湯底，侍應就會比配料盒比你自己調配，極力推薦落炸蒜，好香。湯底一上枱已經聞到勁香蕃茄味，好多蕃茄超足料。另外上既海鮮有蝦，蟹，蜆同青口，海鮮係湯鍋入面滾幾滾，令到蕃茄既清甜同蟹鮮融合埋一齊，仲可以帶出海鮮既鮮味添。重頭戲三式牛肉拼盤，有本地手切既牛頸脊，安格斯牛小排同牛𦟌，三款牛肉都好新鮮，每款都有不同口感，肥瘦均勻，嫩滑有牛脂香。呢度即響玲係必試呀，新鮮即叫即炸，配埋個甜酸醬比你即食，好脆！就算放落湯到都唔會即刻淋曬。另一個我覺得都係必試既係墨魚丸拼蝦丸，全部都係手打架，足料有質素，每一粒都食到好多墨魚同蝦，唔會好似出面果d勁粉。桂花蚌新鮮，份量多又大條，爽口鮮美，好食。最尾叫多一個雜菜籃，有三款菜，仲有粟米同蕃茄，好抵食，而且d菜都好新鮮，唔點豉油就咁食都好好食。