寶哥火鍋味館 (已結業)

呢排天氣轉涼，同男朋友想搵d暖胃既野食黎醫醫肚，咁岩係佐敦呢條街仔見到呢間寶哥有成2層樓，重坐左唔少人，應該唔會伏入到去睇到地方乾淨、闊落，台同台之間分隔得好一坐低，豉油同埋配料都已經係台面，唔需要行黎行去我地叫左個b餐，包括有特長3小時高級火鍋放題 、6款刺身 、5款特選海鮮 、 靚牛拼盤 、日本稻庭烏冬重有啤酒汽水任飲，都只係$360一人，一開始覺得有點貴，但試左佢d野食後，覺得性價比非常高佢既6款刺身係一d平日我去壽司點唔會點既系列黎，但我竟然全部食曬，因為佢食落口完全冇雪味，非常新鮮我哋嘅湯底點左人蔘醉雞煲，佢既酒味唔重，而且佢啲雞都好滑，令我食極唔停嘢飲方便我哋想冇咁熱氣，所以拎咗一瓶茅根黎飲，清下熱氣大大支，夠晒兩個人飲因為我哋只有兩個人，所以好多嘢食我哋都只係叫咗一份，避免浪費但係佢嘅嘢食普遍都好新鮮，所有牛肉都冇雪味，特上嘅澳洲肥牛係湯底入邊浸好耐都唔會老，食落口仲非常彈牙，好抵讚