家賀屋刺身寿司專門店

約咗朋友去灣仔食飯，佢推介咗呢間樓上鋪家賀屋刺身壽司專門店，一出lift就見到好大塊木製招牌，日式風格嘅裝修，門口放咗張木長凳同梳發俾客人等位，仲有基本消毒用品👍🏼入到去餐廳坐位都算多，有卡位同少量嘅梳發2人枱，安排咗我哋坐梳發位，座位寬闊，可以舒舒服服咁享受美食😋食物種類非常豐富，刺身、壽司、丼飯、定食、手卷等等。麒麟冰啤有普通生啤同呢款冰啤，都有唔同味道可以選擇，我哋係西瓜同哈密瓜，果味中和咗啤酒本身嘅苦味，容易入口🍻淺漬本鮪赤身丼定食定食都會包括有沙律，麵豉湯同茶碗蒸，茶碗蒸要趁熱食，非常滑😋丼飯有印有餐廳名嘅玉子，呑拿魚蓉，鮮紅色赤身好靚好大塊，唔係急凍野好新鮮🐟鰝鰺薄造池魚王刺身-15片池魚薄切好新鮮清甜，爽口彈牙，透明嘅色澤，一入口係清甜嘅感覺，之後係魚油回甘嘅味道，一啲都唔腥😋生燒白鱔表面少少蕉香，肉質肥美嫩滑，啖啖肉，仲保留到肉汁係入面🍡火炙左口魚裙邊值得推介，燒得好靚，左口魚入口即溶，隨後魚油係口腔爆出黎😍