影片
更多
2023-12-16
178 瀏覽
呢間餐廳喺元朗開左好多年，每年經過都好多人，間中夜晚有LIVE BAND，之前幾次去都係夜晚去飲野，最多叫下小食。今次就去試下佢晚餐野食！平日晚上入面座位都幾FULL，但唔洗等位。🍴烤西班牙100%杜洛克黑毛豬扒 $178★★★★☆黑毛豬扒有2件，店員建議7成熟，黎到熟度啱啱好！杜洛克黑毛豬喺西班牙名種豬之一，食落個豬肉味濃郁，豬扒肥瘦均勻，口感幾鮮嫩，唔會鞋口同韌。單食個豬味會更出，但都可以點埋佢個士多啤梨燒汁，帶少少士多啤梨酸，食落開胃解膩。🍴烤鰻魚|海膽味噌汁意大利飯 $198★★★★☆呢個鰻魚係原條上，仲要有厚度，個邊邊位烤到焦脆，好香口！食落個鰻魚唔會太淋，仲保持到有咬口。意大利飯好濃郁，好重奶香芝士，再帶少少味噌味道，個飯每粒都好飽滿，有嚼感唔會太淋，好食。偏向膩口，最好SHARE食。🍴泰式豬頸肉 $98★★★★☆豬頸肉份量多，真係食極都有。豬頸肉有燒到濃邊，乾身唔油膩。肉質帶有韌性，點埋佢個泰式醬食好開胃，🍴蒜蓉包 $48★★★★☆4件薄片多士，焗到好酥脆。上面係超濃厚蒜蓉醬加牛油，好惹味。點埋個餐湯南瓜忌廉湯食一流。除左多士，仲會有黑醋汁沙律。🌟總括：成餐飯食物質素都中
🍴烤西班牙100%杜洛克黑毛豬扒 $178★★★★☆
黑毛豬扒有2件，店員建議7成熟，黎到熟度啱啱好！杜洛克黑毛豬喺西班牙名種豬之一，食落個豬肉味濃郁，豬扒肥瘦均勻，口感幾鮮嫩，唔會鞋口同韌。單食個豬味會更出，但都可以點埋佢個士多啤梨燒汁，帶少少士多啤梨酸，食落開胃解膩。
🍴烤鰻魚|海膽味噌汁意大利飯 $198★★★★☆
呢個鰻魚係原條上，仲要有厚度，個邊邊位烤到焦脆，好香口！食落個鰻魚唔會太淋，仲保持到有咬口。意大利飯好濃郁，好重奶香芝士，再帶少少味噌味道，個飯每粒都好飽滿，有嚼感唔會太淋，好食。偏向膩口，最好SHARE食。
🍴泰式豬頸肉 $98★★★★☆
豬頸肉份量多，真係食極都有。豬頸肉有燒到濃邊，乾身唔油膩。肉質帶有韌性，點埋佢個泰式醬食好開胃，
🍴蒜蓉包 $48★★★★☆
4件薄片多士，焗到好酥脆。上面係超濃厚蒜蓉醬加牛油，好惹味。點埋個餐湯南瓜忌廉湯食一流。除左多士，仲會有黑醋汁沙律。
🌟總括：成餐飯食物質素都中上好味，食完都唔會好口渴之類，性價比高，會再去食！
張貼
