火鍋撚 (日富里百好大廈) (已結業)

走在西環街道，火鍋撚既招牌好突出而且入面既位大部份都係卡位，坐得舒服而且氣氛一流，兩個人定一大班朋友都好岩食!老火湯鍋 & 鋒巢豆腐白湯鍋兩個人當然都要嗌鴛鴦鍋啦，老火湯鍋真心係可以直接咁飲，入味足料又唔咸，真係屋企飲到既味道，至於豆腐白湯會有少少藥材味而且星期一至四可以無限追加豆腐，超級抵食!記憶中佢地既餃係好好食既, 所以就叫咗半份水餃皇同半份鮮蝦雲吞另外再加鮮雞件。兩款餃真係好突出而且做到皮薄餡料又足，加上吸咗湯底既味道整體非常高質。而雞件份量好多同埋真係夠哂新鮮，肉質嫩滑有可以保留到肉汁!響鈴卷同黃金炸魚皮都係必點既菜式，響鈴3秒就食得，新鮮即炸係一入口已經食到有好香既腐竹味而且吸收哂湯既精華!黃金魚皮既咸蛋黃醬勁多又唔會好咸，食落鮮脆又入味!另外仲嗌咗瑤柱干貝滑同埋韭菜餃，乾貝滑食落好彈牙而且半份都幾多下，兩個人食岩岩好!韭菜餃既韭菜味好突出，新鮮包既真係一啖就食得出，完全同超市既冇得比!最後因為雲吞太出色，我地再叫多半份，其實計落仲貴過叫一份，但冇計因為實在太好食!!! 最後仲送咗腐竹蛋糖水沙冰，好清新又唔甜, 下次要再嗌返杯!!