稚

營業中

休息中

見到咁多正評就諗住放工過黎試下，嗌左原條饅魚定食追加2串燒雞腎 ($138+$30+$18)、大阪燒 ($88)同黃金醬燒蠔2隻 ($42)首先，個大阪燒係用伴碟用嘅椰菜，食落一pat野咁，費事講。最大問題係條饅魚，饅魚上到黎色水唔錯又幾厚身，本身都幾期待，但唔知係咪因為厚身嘅關係，條鰻魚側邊係暖嘅，而中間係凍嘅，塊魚皮仲要韌到用筷子整唔開黎食，嗰下我仲懷疑條鰻魚係咪要凍食，就問返侍應，佢就話係熱食嘅同埋換條比我。等到我碗飯凍晒，第2條饅魚上到黎喇，我就即刻督開佢中間睇下係咪凍，點知又係凍嘅! 試埋其他位都係咁! 真係無辦法相信，咁我又同侍應講啦，搞到我都有啲唔好意思，侍應就同廚房講: 「又凍喎」就拎返第2條魚去翻叮。到第2條魚第2次送上我枱面，見到條魚出煙心諗都隱陣啲，起碼係熱嘅。食到咁上下就發現條魚嘅頭尾部份係叮到燶左，硬到督唔入，我都選擇放棄再食，決定埋單走人。