影片
更多
2013-11-04
7451 瀏覽
星期天遠足旅行，從西貢坑口步行到布袋澳村。四點零五點，醫肚時間。幫襯「發記海鮮酒家」。典型漁村海鮮酒家格局，大牌檔 feel，環境OK，算係有啲親切感啦。睇餐牌，比一般小菜館貴好多，但話哂都係海鮮酒家（雖然山旮旯咗啲），一場嚟到冇所謂啦！但留意埋單先知原來有加一嘅，餐牌冇寫。人少少點咗三餸一湯。第一碟上嘅係豉汁炒蜆，賣相不俗，睇得吓。但啲蜆居然連D咁 dur 蜆味都欠奉，最大件事大部份都唔熱(海產呀!), 蜆肉炒到甩皮甩骨，唔係 lung 住殼嘅，搞到我哋要好似尋寶咁通碟「摷」。而且着咗三分一都係霉霉(淋淋)咁，又唔新鮮。良心話；調味汁料都算唔錯，但感覺就似係食調味料多啲！若果食鍾意調味汁的話，就值得推介。跟住上海鮮湯，又係唔夠熱! 似老火例湯！海「鮮」湯點解鮮都唔鮮架？味道就真係好濃呀，不過就似係鹹魚頭豆腐湯再加雞汁囉。估計可能似萬年湯；不斷加料加水嚟煲嗰隻另類湯。「招牌炒飯」又係例牌唔夠熱，炒得都算鬆軟可口，不過比較濕身，亳無特別？奇怪叫「招牌炒飯」！實際係楊州炒飯!唯一似樣啲嘅係椒鹽鮮魷，調味同埋炸嘅功夫都幾好，魷魚夠厚身，又幾新鮮，只係面個幾件鮮魷大D，下面魷魚碎粒比較多？向收
幫襯「發記海鮮酒家」。典型漁村海鮮酒家格局，大牌檔 feel，環境OK，算係有啲親切感啦。
睇餐牌，比一般小菜館貴好多，但話哂都係海鮮酒家（雖然山旮旯咗啲），一場嚟到冇所謂啦！
但留意埋單先知原來有加一嘅，餐牌冇寫。
人少少點咗三餸一湯。第一碟上嘅係豉汁炒蜆，賣相不俗，睇得吓。
但啲蜆居然連D咁 dur 蜆味都欠奉，最大件事大部份都唔熱(海產呀!), 蜆肉炒到甩皮甩骨，唔係 lung 住殼嘅，搞到我哋要好似尋寶咁通碟「摷」。而且着咗三分一都係霉霉(淋淋)咁，又唔新鮮。良心話；調味汁料都算唔錯，但感覺就似係食調味料多啲！若果食鍾意調味汁的話，就值得推介。
跟住上海鮮湯，又係唔夠熱! 似老火例湯！海「鮮」湯點解鮮都唔鮮架？味道就真係好濃呀，不過就似係鹹魚頭豆腐湯再加雞汁囉。估計可能似萬年湯；不斷加料加水嚟煲嗰隻另類湯。
「招牌炒飯」又係例牌唔夠熱，炒得都算鬆軟可口，不過比較濕身，亳無特別？奇怪叫「招牌炒飯」！實際係楊州炒飯!
唯一似樣啲嘅係椒鹽鮮魷，調味同埋炸嘅功夫都幾好，魷魚夠厚身，又幾新鮮，只係面個幾件鮮魷大D，下面魷魚碎粒比較多？
向收錢嘅負責人東主反映啲炒蜆問題。始知炒蜆係有獨門創新秘方嘅！！！
東主揭秘的話先要將啲蜆蒸熟，再用凍水嚟過冷河，順便沖走啲沙，然後再落鑊炒，咁樣就可以確保啲蜆肉冇沙(其實食落還是有小許沙)，而且口感爽滑彈牙……！
但用凍水嚟沖啲熟蜆，會唔會沖走哂啲蜆嘅鮮味。而且批量製作嘅話，熟蜆放耐咗會霉爛，再落鑊炒，也可能導致殼肉分離？據知蜆係要先養佢幾日，等佢自然咁吐哂啲沙！
唯有說句各施各法，我唔識欣賞。
題外話/補充資料：
以價論品質又加一，
出翻市區食好過。
(以上食評乃用戶個人意見 , 並不代表OpenRice之觀點。)
張貼
