大門橫丁串燒手打烏龍麵店 (已結業)

 廢話唔多講。 叫咗黃金蟹粥   鰻魚炒飯  燒牛舌 燒菠蘿 大蝦天婦羅黃金蟹粥     木魚精味ge蟹粥我第一次食，淡茂茂啖啖充滿木魚精味ge白粥，睇得出師傅都幾重口味，仲有D粥根本唔系粥嚟正確應該系木魚精湯飯，仲可以見到一粒粒ge飯。OK我忍，叫距俾D鹽我，距夠膽俾D味精加鹽俾你，好似驚死你唔知距D鹽全部撈過味精咁，不得不佩服。鰻魚炒飯   好香口ge一個炒飯，點解話香口，燶味十足ge炒飯，D鰻魚融融爛爛，應該系出自降龍十八炒。燒牛舌  食得出應該系用3味真火燒出嚟，一串串燒可以食到3種味道 第1啖 唔咸唔淡味道都唔錯，第2啖完全冇味，第3啖咸到我要向木魚精湯飯求救。 大蝦天婦羅  只 只蝦都彎彎曲曲，外觀做型 十分有創意，應該讀過下創意設計。燒菠蘿   雖然唔算多汁，最滿意都系距。