How To Live Well (K11購物藝術館)

營業中

休息中

放工同朋友去K11行街，行完之後就喺K11食嘢。見到依間走簡約木系既Cafe，都幾多人係入面食飯，就決定入去試下。Strawberry & Peach Oolong士多啤梨同水蜜桃果香都幾濃郁，攪勻上面既奶蓋之後，飲落好順滑，味道都唔會太甜，表面放有幾塊士多啤梨片，賣相幾靚。Ice Cream Lychee Soda梳打上面有一大大雪糕球，睇落好吸引。梳打好夠氣，飲落充滿氣泡感，雪糕係雲呢拿味，梳打荔枝味香濃，口感豐富而不膩。黑松露野菌菠菜扁意粉意粉質感都幾彈牙，菠菜就有爽脆口感，為菜式增加口感層次。每一啖都散發着黑松露香味，野菌份量都多，食落有獨特香味。扒日本豚肉•肉桂蘋果醬 •烤南瓜•法邊豆豬扒外皮微焦，肉質嫩滑多汁，一啲都唔會嚡。肉桂蘋果醬幾香甜，烤南瓜都好軟糯，法邊豆都好爽脆。旁邊仲有燒汁，沾尼食味道就更惹味。煙三文魚薄切•醃小蘿蔔•香橙忌廉汁薄切三文魚片色澤幾靚，每塊都鋪滿香橙忌廉，為煙三文魚帶尼另一種風味。煙三文魚口感軟滑，醃小蘿蔔口感幾爽脆。焦糖芝士布甸配雪糕布甸上面放左一大球雪糕，賣相好打卡。焦糖香甜同芝士既濃郁好夾，香甜中帶有微微芝士香味。