見到呢間主打椰子雞(文昌雞)嘅餐廳，未食過見到裝修都幾靚所以就去試下!
我哋大概6點左右到旺角，walk in直入唔洗等位。
一入門口就有好多文昌雞掛住喺到。
湯底都有好幾款，不過我哋都係想食返佢哋竹笙椰子雞煲。
店員喺我地面前拎住泰國椰青，即場開殼再倒入鍋，堅係有椰子肉同椰青水!!
湯底滾起之後，店員就幫我哋落雞再煲4分鐘，跟住店員就幫我哋上菜，先飲湯、食雞。
再開放打邊爐，個湯底真係好鮮甜，雞肉好鮮嫩，性價比好高!!
個湯適合一家大細飲，淨係湯都飲咗兩碗!
另外，我哋點咗份安格斯雪花牛肉、鹹蛋黃蝦丸、空中花園(打卡一流)。
鹹蛋黃蝦丸超足料，鹹蛋黃味超咸香，好正呀!! 一咬就咇蛋黃油出嚟!!
空中花園有好多款種類食物，有肉、菜、蟹柳、響鈴、鹹蛋黃蝦丸、牛丸。
如果唔係好大食，但又想食多啲款，都建議大家嗌呢個。
打卡都好靚~
凍檸茶 $38 (大大杯，勁巨型!)
仲有醬料區，都多選擇。
佢哋除咗打邊爐之外，仲有煲仔飯、乳鴿、小食及廣式甜品等。
不過，我哋已經好飽，所以冇試到甜品。
木系裝修，打卡一流，而且都坐得好舒服，下次可以再嚟!
俾大家參考一下，我哋埋單同嗌咗啲咩食物。
