影片
更多
2024-03-30
281 瀏覽
有一排冇講過中環嘅餐廳，不如又講下一間新開幾好嘅中菜。有朋友推介過呢間木子園，地點非常方便，就正正喺中環核心，平日嘅lunch set好多朋友都讚，不過最多人推嘅竟然係呢個週末嘅兩小時任食半自助餐。首先有幾個冷盤前菜俾你熱身，紹興酒糟醉雞，食到停唔到口，另外仲有鴨胸沙律，陳醋青瓜拌雲耳，再加好好食嘅四喜烤麩。之後有大量嘅點心俾你揀，珍寶蝦餃王同蟹籽燒賣自然係必然嘅選擇，個人好喜歡魚肚四寶雞扎，仲有好多點心例如鳳爪，灌湯小籠包，紅油抄手，蘿蔔糕等等，另外仲有好多包點如奶黃流沙包、紫薯包、叉燒焗餐包同馬拉糕。湯品方面我好鍾意佢嘅酸辣湯同蟹肉粟米羹，不過好易飽，唔大食嘅唔好亂飲太多，因為後面先至係重點。最緊要嘅係北京填鴨任食，你絕對冇聽錯，仲要係熱辣辣喺你面前即切即食，你以為好似酒店自助餐嗰啲片皮鴨咁凍冰冰又求其，絕對不是，呢隻片皮鴨絕對係非常有質素，基本上每個客都食幾round，不能錯過。另外一個重點就係食點心以外，每人有一個主菜，黑松露蘆筍炒帶子、水煮牛肉/魚、孜然羊肋排、櫻花蝦海鮮炒飯、酸菜魚片、茶樹菇上湯小材料、上海粗炒、菠蘿咕嚕肉、乾煸四季豆、霸王辣子雞、宮保雞丁，仲有鹹蛋蝦球任你
有朋友推介過呢間木子園，地點非常方便，就正正喺中環核心，平日嘅lunch set好多朋友都讚，不過最多人推嘅竟然係呢個週末嘅兩小時任食半自助餐。
首先有幾個冷盤前菜俾你熱身，紹興酒糟醉雞，食到停唔到口，另外仲有鴨胸沙律，陳醋青瓜拌雲耳，再加好好食嘅四喜烤麩。
之後有大量嘅點心俾你揀，珍寶蝦餃王同蟹籽燒賣自然係必然嘅選擇，個人好喜歡魚肚四寶雞扎，仲有好多點心例如鳳爪，灌湯小籠包，紅油抄手，蘿蔔糕等等，另外仲有好多包點如奶黃流沙包、紫薯包、叉燒焗餐包同馬拉糕。
湯品方面我好鍾意佢嘅酸辣湯同蟹肉粟米羹，不過好易飽，唔大食嘅唔好亂飲太多，因為後面先至係重點。
最緊要嘅係北京填鴨任食，你絕對冇聽錯，仲要係熱辣辣喺你面前即切即食，你以為好似酒店自助餐嗰啲片皮鴨咁凍冰冰又求其，絕對不是，呢隻片皮鴨絕對係非常有質素，基本上每個客都食幾round，不能錯過。
另外一個重點就係食點心以外，每人有一個主菜，黑松露蘆筍炒帶子、水煮牛肉/魚、孜然羊肋排、櫻花蝦海鮮炒飯、酸菜魚片、茶樹菇上湯小材料、上海粗炒、菠蘿咕嚕肉、乾煸四季豆、霸王辣子雞、宮保雞丁，仲有鹹蛋蝦球任你選，我哋今日都算多人試咗好幾個菜式，個人最推水煮魚，基本上係平時一大份嘅a la carte份量，你絕對食得出佢嘅火候。
另外朋友點嘅鹹蛋蝦球都幾好，孜然羊肋排好有深圳嘅那種地道味覺，還有宮保雞丁都好好送飯，只不過實在太飽，食唔到好多嘢，食完呢度都幾有興趣試吓呢度嘅晚餐。
去到甜品已經投降，大家share咗個楊枝甘露同埋蛋白杏仁茶，都係幾好嘅結尾，最好都預留少少位食個甜品。
如果你星期日都鍾意食brunch飲酒，加$188 任飲汽水，果汁，支裝啤酒，意大利氣泡酒，紅/白酒，烈酒，最緊要有唔錯嘅house 紅/白酒，送主菜一流。
聽講呢個brunch都開始咗冇幾耐，未算好多宣傳，遲啲多人知嘅話應該都會幾受歡迎，有興趣快啲先睹為快。
張貼
