影片
更多
2017-11-09
652 瀏覽
木嘴對牛其實唔係好熱衷，亦都由於係木嘴既緣故，其實好多時食完都唔知自己食左牛定豬定雞。要木嘴對住隻牛彈琴就識，但叫我去深層次去評論D牛既味道真係有D難度。之但係，木嘴既誕生就係為左俾大家了解木嘴既世界，雖然唔知有無人會想了解，但木嘴依然會緊守信念，努力去寫呢篇關於牛既食評。話就話唔熱衷，但唔知點解最近成日都食牛。今次就唔去試新野喇，食返最穩陣嘅牛角。其實牛角就周不時都會去食下，但因為在職貧窮所以通常都只係食D平價牛，但今日朋友難得高興，咁就決定食D高級牛贈下慶。木嘴每次食牛角都會例牌叫番個牛角飯用黎填飽個肚，今次亦唔例外，個飯雖然得啲紫菜豉油咁，但又幾好食，送燒肉一流。之後仲叫左牛油金菇（$22）同埋辛味醬汁雞翼（3隻 $39），辛味真係完全食唔出，成隻雞翼都係無乜味咁，究竟係我味覺出左問題定係真係無味有無人話俾我知？好彩有醬可以自己加，唯有自己狂加辣醬，雖則以木嘴既標準隻醬都係唔辣，但總好過淡而無味既。然後就到今晚既主菜—極上和牛四品盛合（每款兩片 $458）木嘴我雖然味覺只有最底層次，但其實和牛同普通牛嘅差別又確實係一放入個木嘴度就知既。每片和牛都係軟綿綿，脂肪同肉分佈平均，係個口
話就話唔熱衷，但唔知點解最近成日都食牛。今次就唔去試新野喇，食返最穩陣嘅牛角。其實牛角就周不時都會去食下，但因為在職貧窮所以通常都只係食D平價牛，但今日朋友難得高興，咁就決定食D高級牛贈下慶。
木嘴每次食牛角都會例牌叫番個牛角飯用黎填飽個肚，今次亦唔例外，個飯雖然得啲紫菜豉油咁，但又幾好食，送燒肉一流。
之後仲叫左牛油金菇（$22）同埋辛味醬汁雞翼（3隻 $39），辛味真係完全食唔出，成隻雞翼都係無乜味咁，究竟係我味覺出左問題定係真係無味有無人話俾我知？好彩有醬可以自己加，唯有自己狂加辣醬，雖則以木嘴既標準隻醬都係唔辣，但總好過淡而無味既。
然後就到今晚既主菜—極上和牛四品盛合（每款兩片 $458）
木嘴我雖然味覺只有最底層次，但其實和牛同普通牛嘅差別又確實係一放入個木嘴度就知既。每片和牛都係軟綿綿，脂肪同肉分佈平均，係個口度慢慢化開，係個一口牛差咁D，不過真係好食過普通果個set好多。呢個set其實仲有兩舊粟米，不過咁岩影相個角度完美遮晒。
身為貧窮毒J食完個和牛已經無錢叫其他，所以唔算食左好多野，加上燒肉實在太油，雖則話就話好食，但木嘴好快已經有飽飽滯滯既感覺，淨返木嘴朋友一個人戰鬥。但無論如何，性價比黎講，呢個價錢食到呢個質素既和牛，絕對值得推介。
張貼
